E Riwai, e Kiripats, e Wiremu Tamihans, e Apa, e Ture, e Wiri, e Tei, e Hohepa; e koutou katoa, tena ra koutou katoa, e aku hoa, e aku papa. Whakarongo mai. Tenei matou kei runga i te pakanga, ara, i te mate kino, i te mate kohuru, i te mate i otaina i ngaua, i te mate inumia nga toto, i tenei mate kino noa iho. Whakarongo mai, tena pea koutou te ki mai na, tenei te mahia nei i runga i te pohehe, kaore, kei te mahia i runga i te marama. Ko te marama ra tenei, ko te mahi ki te Kawana, kua oti; ko te mahi kohuru kaore i whakaaroa me kohuru, Erangi ma Ihaia ma Nikorima te kohuru, ma nga rangatira o maua me awatea. Koia tenei e maliia nci i te awatea. Ko te mahi ki a te Kawana i mahia ano e nga rangatira. Kua rongo mai iami koutou ki te marama i mate ai ate Waitere, ko Hanuere i te 9 o nga ra tae noa ki a 1'epuere e tatari ana ki te kupu a te Kawana. Ko te taenga mai o tana kupu, kaore he tikanga a te Kawana, engari kia kotahi ake kohuru i toe, hei reira ka whakaae ai a te Kawana. No konei ka whakaaro nga rangatira o maua, ka he nga tikanga a te Kawana, no te mea ka rua nga kohuru a Ihaia. Ko nga kupu a te Kawana o mua, inaianei kaore e whakarangona ana kupu. Ina hpki, he tikanga ano i te whawhai kiate Uangihaeata i Heretaunga, i hohoro i reira: i tenei kohuru kaore he tikanga. No te mea i patua ki waenga nui o nga Pakeha, ko tenei ka kitea ki roto i te whare Pakeha i te taone tetehi tangata o Ihaia ka patua ano ki roto, no te mea kua he. Ko tenei kua karapotta katoatia nga pa, a te Karaka a Pukerito a Otetehe. Ko te pa i whakaekea emaua ko Pukerito, taea rawatia a raro iho o te pekerangi. Ko o maua i mate i te whakaekenga o te pa, ko Hehe Nga nohoanga, ko Tamati Tuainane, ko te One, no Waitara enei; ko Tamati Takua no Wai***, ko Maihi no Tapuirau, koHeta no te Kawau, i mate rawa enei. No te tangata whenua, ko Eruini Manganui, ko Hakaraia Repo, ko te Kawhaki Haenga', nga mea i tu ora. Ko Wi Te Onemihi, no te parckura i te lka moana ia i mate ai. Na te Kepa Hana Werangia i pupuhi.

Ekore e taea te korero atu. He Oti.