page 8

Sandy Hodge.

Air—'Donald Caird.'

Sandy Hodge can act the swell,
Drink a gill, and ring the bell;
Blithely sing a guid Scotch sang,
Praise the Profs, the hale day lang,
Keep the plate, and bear the mace,
Stories tak' tae St_____t G______e.
Tommy's article on Taylor
Sandy thinks a perfect failure.

Chorus.—
Sandy Hodge we've come again,
Come again, come again;
Tell the Profs, and Willie Glen,
Sandy Hodge we've come again!

Sandy can beat Glen at Statics,
Problems solve in Mathematics,
Homer quote, and act Macbeth—
Swear he died for want o' breath.
Weel he kens each student's forte:
Whether beer he drinks or port,
A' that crib, and whaur they lodge—
What's no kent to Sandy Hodge!

Chorus.
Sandy can set aff a story,
Criticise baith Whig and Tory,
Show how F—sch—r stots and stumps,
Beat Geordie Combe at reading bumps;
Tell the time its gaun tae snaw,
When the wind will wastly blaw,
When a comet will appear—
Hour and day, the month and year!

Chorus.
Sandy is as gleg's a needle,
Active porter, solemn beadle;
Sic a pattern o' decorum!
The very stour'll flee before him.
If Dilke and he could get thegither,
They'd introduce a sweeping measure.
page 9 Will S—n elect him Glen's successor?
Or Portland mak' him a Professor?

Chorus.
Sandy, when he's got six drams,
Laughs at a' degree exams.,
Vows that ony dunce or ass
Micht, wi' honours, always pass;
Boasts its just his fame and knowledge
That bring the callants to the College.
Wha could better fill the post
O' Janitor, when Sandy's lost!
Chorus.