Other formats

    TEI XML file   ePub eBook file  

Connect

    mail icontwitter iconBlogspot iconrss icon

Niuē-fekai (or Savage) Island and its People

Ko e fanau he tagata

Ko e fanau he tagata

22. Kua fanau mai e tagata moui he akau—ko e akau ne higoa ko e Ti-mata-alea, ne tu he tafagafaga, nakai ko e mata-alea he vao motua, ko e taue ia. Hanai: Ka fatu ne fai e tama-afine kua fai-tane, ti tagi lahi ni ke he fia-kai he ti, mo e kau-ti; ne o e tāne mo e tau matua ke tao e umu-ti mo e fakahua e tama. Kua kai ni he fifine, ti maō e tama he kai e umu-ti. Kua mahani tuai e motu ko Niuē ke pihia, tali mai he ta e motu. Ne ua e po ne tao e umu to fuke, ko e umu ne tanu he kelekele.

Kua pihia, ha ko e matua ia he tagata, ke kai ni e tama he puke he matua, ko e Ti-mata-alea; kua fanau e tama, ti kai ne fai e pukehuhu he matua fifine.

23. Kua fanau e tama-tāne, ko e fua mai he malo-tau a ia. “Fua he malo-tau.” Ko e tāne ia. Kua fanau e tama-fifine, ko e fua mai he La-Lava. “La-Lava”—ko e fua fifine. Nakai pehe ko e tamatāne, po ke tama-fifine, kua huhu ko e fua mai he hainoa, e tama ko e malo-tau, ko e La Lava.

24. Kua fanau e tama uluaki, ti koukou ne fai ke he vai, kua mulu ni he patu lahi e tino he tama, ti oti, kua lapolapo mo e vagahau atu pehe ke he muke ha ne fakatutala ki a ia:—

Kia teletele totonu,
Teletele fa tagi
Teletele fa tiko
Teletele fa mimi
Teletele fa vale,
Kua tele mui e tama i fonua,
Ka e tele mua a mea i Palūki
Fiti-kaga ai o tupua