Tuatua Akakite Ki Te Aronga Angaanga Katoatoa

I tetai ebedoma i topa ake nei kua akakoro tetai tangata angaanga Rarotonga tei apai ia mai ki Auckland e te Kamupani angaanga W. Sutherland & Co. kia taui i tana angaanga no te meitaki o te tutaki e te tu o te angaanga ou. E tika anga teia ki te au tangata angaanga katoatoa. Ina ra, kua aere mai te manitia e te akava ki te ngai angaanga ou a teia tangata, e kua akaue iaia kia oki kia angaanga ki te Sutherland ma te akamataku e me kare aia e oki mai, ka akaatea ia aia mei Niu Tirani nei.

Kua oki atu teia tangata ki tana angaanga mua. Kua apai ia atu te tuatua no teia i tupu ki te Tanners' Uniani, e i to ratou kimianga atu ki roto i teia mea tei tupu, e kua kitea mai e kare o teia Kamupani tika anga kia rave mei ta ratou i rave. E kua kitea katoa mai e e 15 tangata angaanga katoa i Sutherland tei aiteite te tu. Kare e tika anga i te ture kia kiriti te Kamupani i tetai tuanga o ta ratou moni tutaki angaanga ei tutaki i te moni o to ratou patete.

Na roto i ta te Uniani i rave, kua akaoki ratou i te Kamupani ki muri mei ta ratou i anoano i te rave, e kua akaoki akaou ia te moni a te aronga angaanga, e kua tipu ia ta ratou koreromotu.

Penei, te vai nei tetai au tangata angaanga mei te Airani mai i roto i teia tu. Kia tu rai te tangata angaanga i tetai pepa o te koreromotu. Me kare koe i marama i toou tika anga, kua manako koe e e au tu tika kore tetai rave ia nei kia koo-te ta mataku, te tutaki meangiti, e me te keia ia nei koe, e kimi atu koe i reira i te tauturu mei toou Trade Uniani, me kare ki te Citizens' Association for Racial Equality (Care), P. O. Box 2794, Auckland (phone 371-507).

E mea puapinga maata kia kimi atu koe ki toou Uniani me kare ki te Care, no te mea, ka na, roto ua i te angaanga taokotai anga e rauka i ia tatou i te akakore i teia au tu e raveia nei. Me kua kite koe i tetai tangata i roto i taau ngai angaanga tei akapera ia, akaari atu i teia leta kiaia.

Kare o te tangata angaanga manamanata me akamataku ia mai aia e ka akaoki ia ki tona enua, me kare ki tetai au tu akautunga me akakite aia ki tona Uniani me kare ki te Care, no te mea, na te au aronga angaanga e rave i te angaanga kapiti no te paruru anga ia kotou. Kua kitea teia tu tauturu ki runga i te au tangata angaanga Tonga, e tetai au tangata ke ke e aere mai nei ki teia enua e pera ki teia tei tupu ake nei ki te Sutherlands.

Me Ekoko Koe, Kimi Mai Ki Toou Uniani Me Kare Ki Te "Care" No Te Akamarama.