Salient. Victoria University Student Newspaper. Volume 37, No. 2. August 7, 1974
Koe E Fakailoaga Ke he Tau Tagata Gahua Osi
Koe E Fakailoaga Ke he Tau Tagata Gahua Osi
Fai faahi tapu kua mole, ne ha ha i ai taha tagata gahua ne tamai he W. Sutherland & Company mai Rarotonga, ke gahua ia ia. Nakai leva ti kumi ai he matakainga ia taha gahua foou ke gahua ai a ia, kia mitaki e totogi mo e mahani he fakafetuiaga. Ko e mena mitaki ne tause e ia, ka fina atu e pule he Sutherland mo e leoleo ke liuaki e tagata nei, mo e fakamatakutaku ke liuaki a ia ki Rarotonga, ha kua hola mo e Sutherland.
Ti liu atu ni e tagata ke he Sutherland, ka kua fakakite atu ke he Tanners' Union, kua kumikumi tuai e tala, kua kitia mitaki ni e hehe he kamupani mo e fakamatakutaku ne tause e lautolu. Kua kitia ai he kumikumiaga ia e toko 15 hana tau tagata gahua, kua tatai mo e tagata nei. Ka nakai tonu ke uta pule noa e lautolu e totogi he tagata ne tamai e lautoiumke totogiaki e pasese ne tamai aki e tagata mai he tau atu motu.
Kua fakatonu tuai he Uniuni e gahua hehe ia, ti kua liuaki osi e tau tupe ne uta pule noa e lautolu ke totogiaki e tupe ha Kamupani, kua fakasoi ai mo e tau maveheaga ne fakamau e lautolu.
Liaga ne tokologa foki e tau tagata mai he Pasifika ne tatai mo e kapisiga nei, kua lata ke moua he tagata gahua taha tohi maveheaga maana, ka eke kua uka ke maama kia koe haau a tonuhia, ha kua nakai mitaki e fakamaamaaga, poke nakai mitaki e totogi kia fina atu ke he Uniuni poke leveliaga he tau tagata osi (Care) ko e P. O. Box 2794, Auckland. Phone 371 507.
Aoga ke kumi atu ke he Uniuni poke Care, Ko e Fakafetuiaga Kau Fakalataha haiæke fakaosi ai e tau mahani hehe pihia. Ti ka fai kapisiga poke matakainga a koe kua matematekelea pihia ne nonofo mo e gahua fakalataha mo koe, ti fakakite ki ai e tohi nei.
Aua neke matakutaku ka pehe atu ke liuaki ke he tau motu, poke fakahala. Kumi fakamua kehe Uniuni mo e Care, ko e Levekiaga haia he mitaki he tau tagata, ha ko e puipuiaga he tau tagata gahua osi.
Kamata gahua e Fakafetuiaga nei, ha ko e tau tagata Tonga ha ko e kumikumiaga malolo he Faahi ne Leveki e tau puhala o Fenoga, pihia ni mo e lekua nei ke he Sutherland.
Ka Nakai Maama Kia Tautolu Ti O Atu Ke He Uniuni Poke "Care". Ke Moua Ai Falu A Lagomataiaga Ma Tautolu.