Ripoata a nga Komihana i Whakaturia hei Whiriwhiri i nga Putake e pa ana ki nga Ture Whenua Maori.
Kupu Whakamutunga
Kupu Whakamutunga.
Whakaaturanga.
Mo nga Mahi o Mua.
1. | Kooti Take Whenua Maori mo nga raruraru o mua. |
Mo a Muri.
2. | Komiti mo ia poraka mo ia poraka. |
3. | Komiti, mo te takiwa ranei mo te iwi ranei o ia takiwa o ia takiwa. |
4. |
Tiati Takiwa, me te Komihana takiwa ano. Ko te Komihana koia ano hoki hei tiamana mo nga Komiti o te takiwa, mana e whakaputa nga moni ki ia tangata, e whaitake ana ki nga poraka whenua. He Poari mo nga whenua Maori. Ka whai hiiri taua Poari, ko taua Poari, hei mahi i nga mahi, ina, kaore i tahuri era Komiti ki te mahi, ki te whaka kore ranei. Ko te mana o taua Poari kia rite ki te hunga e whaitake ana ki te whenua, kia rite rauei ki te mana whakahaere tikanga o nga Komiti. Ara, tana mahi, hei mahi i nga mahi o nga Maori. Ko nga whaitaketanga katoa ma te Poari Whenua Maori e whakahaere mo te hunga no ratou te whenua. Me whakairi te moni e pau ana mo enei whakahaerenga a te Poari Whenua Maori ki runga ki te whenua, penei, e mea te uta i rote i te rau pauna kotahi. |
Rapunga Take.
1. | Komiti Maori mo te hunga e ki ana na ratou te whenua. |
2. | Komiti Maori mo ia takiwa mo ia takiwa. |
3. | Tiati, me tetahi Komihana hoki mo te takiwa, me tetahi ateha ano, ko te ateha no tetahi takiwa ke atu. |
Mo te Hoko.
1. | Ma te Komiti o te takiwa e whakarite. | ||||||||||
2. | Ma te Komihana e rapurapu, e kimi nga tikanga me nga ritenga, a, ka oti era, ka tuhi tuhia ka whakaaturia ona whakaaro. | ||||||||||
3. |
Ma nga Poari Whenua Maori e whakaputa nga Karaati, tiwhikete ranei mo nga whenua. Me mahara hoki tatou, ko te take i whakaturia ai tenei Komihana e te Kawana, hei whiriwhiri i enei putake, hei tohutohu atu hoki i etahi tikanga marama mo runga mo enei mea:—
|
Nga Kupu Whakahoki enei ki nga Patai i Roto i te Komihana.
(Korerotia tahitia te 1 me te 3.)
I. Me penei te whakanohonoho o enei tu raruraru, keehi, ara:— |
|
||||||||||||||
II. Ko te huarahi tenei e whakaarohia ana hei whakaora hei whakatika i aua tu raruraru me aua tu mate katoa, ara:— |
|
E hara i te mea no naianei i tipu ake ai enei tu whakaaro. Kaore. No mua no atu enei whakaaro. Hui ki nga Komihana maha kua tu nei i raro i te mana o Te Kuini, a te mana o te Paremete ranei, na Ta Hori Kerei i whakaputa te whakaaro i te tau 1877 kia whakaturia tetahi Komihana hei uiui ki nga raruraru katoa, ahakoa pehea ana te ahua, e tau ana i runga i nga whenua Maori, e takoto ana ranei i waenga nui i nga Maori me nga Pakeha. Ki tana whakaaro, i korerotia taua wa, me tino whaimana rawa taua Komihana hei tino whakaoti i enei tu raruraru me era whakawa katoa i whakahuatia i runga ake nei. I tono ia, a Ta Hori Kerei, kia Hori Hikinipatama (Sir George Higinbotham) o Merepana, koia hoki te Tiati Timuaki o te Kooti Hupirimi o Wikitona i naianei. I mea a Ta Hori Kerei ko taua Hori Hikinipatama hei timuaki mo page 17taua Komihana, a, whakaae ana ia. Na, no te hinganga o te Kawanatanga o Kerei i te tau 1879, kaore taua tikanga Komihana i hapaitia e o ratou Kairiwhi. Otira, ko nga Paremete o muri nei i hiahia kia tukuna kia ratou nga kupu whakamarama mo te ahua o nga raruraru me nga tautohe kia riro ma te Paremete mana e whakaoti, mana e whakatau. Ki to matou whakaaro, me tino whakaoti enei mea whakataimaha, enei mea nunui e takoto raruraru ana. A, ki to matou tino mohio, mehemea ka whakaturia etahi Tiati e tino mohio ana e tino whai whakaaro ana ki aua mahi nunui e tukuna atu ana ki a ratou hei mahi hei whakaoti, tera ka kitea ka pai atu ka tika atu a ratou whakataunga i whakatau ai, i to te Paremete whakataunga, i runga i nga Pooti o nga mema o nga Whare Paremete, haunga nga whakataunga mo nga tu whakawa tautohe, kua kiia, kua kitea ranei he mahi tahae i roto, i kitea ranei kua takahia nga ritenga o te ture.
Me tau ano ki runga ki ia whenua te utu mo taua Kooti me nga whakahaerenga o taua whenua.
Mo te Patai Tuarua.
Ko te whakamahinga a te Kooti Whakawa Whenua Maori e taimaha ana, a, whakahengia ana e te tangata Maori, Pakeha hoki.
Me Penei te Whakatikatikanga o te Kooti Whakawa Whenua Maori.
(1) Kia kotahi te Tiati hei tumuaki, kia rima Tiati takiwa, kia rima Komihana takiwa. (2) Ko nga whenua katoa e kawea ana kia whakawakia me matua whakaatu nga tikanga e te Komiti me te Komihana o te takiwa, ma raua e tuku atu a raua ripoata i te tuatahi mo aua whenua. (3.) I roto i aua ripoata me whakaatu nga rohe o te whenua nga rohe o nga hapu me nga iwi, me nga rarangi ingoa. (4.) Ki te mea kaore he whakahetanga i taua ripoata me tuhi te take ki te whenua me ta raua ripoata i whakaatu ai. (5) Mehemea, e whakahengia ana, ma te Tiati Timuaki, me nga ateha tokorua, kotahi mo ia taha e whakarite te mea e tautohea ana. (6.) Ki te mea kahore i paingia te whakatau a te Kooti Takiwa, ka ahei te Poati Whenua Maori ki te whakaae kia kootitia tuaruatia i te aroaro o te Tiati Tumuaki, me tetahi Tiati Takiwa me nga ateha tokorua. (7.) Ko nga Komihana, hei Tiamana mo nga Komiti Takiwa katoa, a ka mahi tahi ratou ko nga Komiti, i te whakahaere tikanga mo nga whenua. (8.) Ma te Komihana e utu nga moni reti, me nga moni ke atu e puta mai ana i roto i tona takiwa, ki nga tangata mo ratou aua moni. (9.) Nga mea katoa e uru ana nga korero o te ture, e pa ana ki te taha Maori anake, ma te Poati Whenua Maori, me te Kooti Whenua Maori e whakatau. (10.) E kore e tika kia whakakorea atu tetahi Tiati, Komihana ranei, ma te Poati Whenua Maori e whakaae i te tuatahi, a kia marama ano hoki te take.
Kupu Tuawha.—Whakaaturanga.
I. | Me whakatu tetahi Poati mo nga whenua Maori. |
II. | Me whai hiiri ano taua Poati, me whai mana ki nga mea e whai paanga ana ki te whenua Maori, haunga ano aua mea e uru mai ana ki te taha Pakeha. |
III. | Me whai mana te Poati, hei Kaitiaki mo nga whenua Maori. |
IV. | Me whakatu he Komiti e te hunga no ratou te whenua, ara me whakatu he Komiti mo ia Poraka, a, ma taua Komiti e whakarite nga wahi hei whenua rahui mo te iwi, a, ka whakaatu atu hoki ki te Poati Whenua Maori, nga wahi whenua hei tuku atu ki te reti, hoko ranei. |
V. | Kaore e tika ma te tangata kotahi e tuku atu tona whenua ki te hoko, riihi, mokete ranei, i te mea, he tokomaha nga tangata no ratou ake taua poraka, haunga nga whenua i motuhake ki te tangata kotahi i runga i tona ingoa anake, i puritia ranei e nga Maori i runga i ta ratou patanatanga (partnership). |
VI. | Ko nga whenua katoa, haunga nga whenua e mau ana i runga i te patanatanga, e te tangata ranei i runga i tona ingoa ake, me riihitia ki raro i te ahua o te ture mo nga whenua takoto noa, a te Kawanatanga, a ma te Poati Whenua Maori e whakaputa, e whakaoti nga tiwhikete, pukapuka take ranei ki te whenua. |
VII. | Me utu katoa nga moni reti ki te Kooti Whenua Maori o taua takiwa e takoto nei te whenua, a, ma te Komihana o taua takiwa, i te mea, kua tangohia mai te mea e tika ana kia tangohia, e wehewehe ki te hunga mona, o ia poraka, o ia poraka, i runga hoki i nga rarangi e takoto ana i te Kooti Whenua Maori, e whakaatu ana i nga paanga o ia tangata, o ia tangata, e whai take ana. |
VIII. | Ko te Karauna anake e tika ana hei kaihoko i nga whenua Maori. |
Na, ma enei whakaritenga e whakakore atu te mana o nga ture o nai a nei. ara ki nga wahi e rere ke ana.
Poati Whenua Maori.
Me whakatu tetahi Poati Whenua Maori, hei whakariterite tikanga mo te tuku i nga whenua ki te reti, me nga mahi huhua, ka ara i raro i enei whakaritenga.
Ko taua Poati Whenua Maori me whaimana i raro i te ture, me whai hiiri ano. Kia toko ono nga mema mo taua Poati. Kia tokotoru o ratou ma te Kawana e whakatu; kia tokotoru, ma nga Komiti katoa o nga iwi o tenei Motu o Aotearoa e whakatu.
E tika ana kia whaimana taua Poati ki te tiaki i nga whenua rahui katoa o tenei Motu me nag whenua rahui hoki kei te ringa o te Kaitiaki o te Katoa, e pupuri ana i tenei wa. Kia riro ma taua Poati anake te mana tuku whenua a te iwi Maori kit te reti i reti i raro ano ra i nga kupu tohutohu a nga Komiti o ia poraka, o ia poraka. Kia whaimana ano taua Poati ki te whakatu kairiwhi, kaiwhakahaere, mo nga hunga no ratou te whenua mehemea ka turi ratou, ka kore ranei ratou e mohio ki te whakahaere tikanga mo ratou. Ki te pooti Komiti, i te mea kua tae atu he whakaatu kia ratou, a, i te mea hoki, ka mangere, ka ngoikore nga Komiti ki te mahi i o ratou mahi, hei reira ma nga Poati Whenua Maori e mahi.
Ka whaimana ano kite whakahau atu ki te Komiti o te Takiwa, kit e Kooti Whenua Maori ranie, kia rapua nga take ki nga poraka whenua, e hiahiatia, e kitea ana ranei, e tika ana hei page 18nohoanga tangata i te mea i turi te hunga nona te whenua, ki te kawe mai, kia whakawakia i te aroaro o te Komiti, o te Kooti ranei.
Ma taua Poati e whakahaere nga take o nga Maori e hiahia ana i te aroaro o te Kooti Take Whenua Maori, ki te riihi o nga hea o nga tamariki, i te korerotanga o nga Kaitiaki. Ki a ia katoa hoki te mana ki runga ki nga whenua kaore ano i whakawakia e te Kooti Whenua Maori. A i runga i te whakaaetanga o nga hunga e kiia ana no ratou te whenua ki te tuku raihana i ia tau i ia tau, ki te tapahi harakeke, ki te tope rakau, ki te kokoti patiti ranei. Me whai mana ano taua Poati, i runga i te hiahia me te whakaae o te Komiti o te Takiwa ki te whakaara kura mo nga tamariki; ki te hokohoko whenua, a ma te pai o te Maori, me te whakaae ano o te hunga nona ki te whakariterite kereme i runga i te whenua ki te hoko hea, otira, ki nga mahi katoa e ara ai te pai ki te iwi Maori, ki te whakahaere ritenga ki te Kawantanga, tangata ke ranei. Mana hoki e whakahaere nga ruri, rori, whakapainga, me era tu mea, ratou tahi me nga Komiti o te takiwa, o ia poraka, o ia poraka. Mana hoki e tirotiro, e tuku atu tana kupu whakaatu ki te Paremete, mo runga i nga whenua kua tapaetia e nga iwi Maori mo te mahi kura. Me whakamana ano taua Poati ki te whakariterite i nga kereme a te Kawanatanga, a te tangata ranei ki te whenua e keremetia ana, e tu ana ranei i te ingoa o te Maori. Engari, ko tenei whakamananga e kore e ahei kia whakamahia kia whakaaetia rano e te tino nuinga o nga Maori e whaitake ana, me te Kooti Take Whenua Maori, i runga ano i te ata rapurapunga. Me whaimana ki te hanga tikanga, ture hoki, i runga i te whakaae a te Kawana, i roto i te Kaunihera mo te whakahaere, me te riihi o nga whenua Maori mo te whakahaere hoki i nga mahi o te Poati. Ma tenei Poati e whakarite te nuinga o nga mea e kawea nei ki te Paremata i runga i te pitihana.
Ma tenei Poati e whakarongo nga tono whakawa tuarua. Ma konei e whakamana te mahi o te Paremata; ma konei hoki e ara ai te tino pai mo nga tangata Maori me nga Pakeha hoki. Ina hoki, ka riro ma te Poati Whenua Maori, te nuinga o te mahi Maori e whakawahatia ki te Paremata, kaore nei e mohio ana ki nga tikanga, ma konei ka whakamama nga mahi o nga Kooti. Ko te mahinga ka noho ki runga ki te Poati Whenua Maori. Ka whakamamatia hoki nga mahi o te Kooti, o te Kaitiaki mo te Katoa, Te Hupirimi Kooti, te Kooti Whakawa Tuarua, nga Apiha o nga Tari Pane Kuini, Tari Rehita hoki; Tari ruri, te Tari mo te taha Maori, me te Kooti Whakawa Whenua Maori. Ka whakaorangia te tari o te Kaitiaki mo te katoa i te taumahatanga o te whakahaerenga i nga rahui nui e whakararuraru ana i taua tari. Ka ahei te tokomaha ki te whiwhi whenua i nga takiwa kaore nei e tata i naianei mo te utu iti, he take tika, kaore he whakaroanga.
Taha ki te Moni.
Ma te Kawanatanga e nama atu he moni ki te Poati, nga moni e tika ana mo te whakahaere-tanga, mo nga ruri, me nga whakapainga. Ko aua moni me whakautua e te Poati i roto o nga moni ka puritia e te Poati i runga i nga whenua Maori katoa.
I nga whakahaerenga whenua a muri nei i te mea kahore e mau takitahitia ana me hoki ano ki nga tikanga o mua i waenga i nga hapu. Ma te whakatunga o nga Komiti i runga i te ahua o te Pooti, e hoki mai te wahi pai o te mana o nga rangatira.
Ko nga tikanga o mua whakawhaititia iho ki te ahua me nga ritenga hai pupuri e tautokona ana hoki e nga ture, ki to matou whakaaro tera e pai rawa atu i te tare e whakahaerea ana i naianei. He iti te moni mo te whakahaeretanga, he marama, ma konei e nohoia ai te whenua e te tangata.
Ki te mea, ka kiia e kore te Maori e kaha ki te whakahaere i enei mea mo to ratou nei ano mahi, ka korero matou ki nga whaikorero tino whakaaro nui i korerotia mai ai kia matou e te iwi Maori. Me titiro hoki ki nga motini maha, hangai, whaitikanga, i puta i tetahi hui nui ki te Wairoa; e waru nga ra e whiriwhiri ana taua hui, ko ratou anake, tino whai matauranga, whakaaro nui o ratou whiriwhiringa. Kahore e ngaro ana te whakaaro nui o te iwi Maori. Heoi, e tika ana kia whiwhi ai ratou ki te mana whakahaere i o ratou nei tikanga.
Me whai mana nga Komiti o ia takiwa ki te whakatakoto rahui i nga wahi ano i tohungia e te hunga no ratou te whenua i roto i te runanga. Ko te toenga o te whenua me tuku ki te reti i raro i nga tikanga i hangaia e te Poati Whenua Maori, me te whakaae o te Kawana i roto o tona Kaunihera. Ko te Kawanatanga anake e whai mana ki te tuku moni i runga i te nama ki te Poati, ki te tangata ranei.
Ko te Komihana o ia takiwa hei tiamana mo ia Komiti, ko ia hei tiaki i nga mahi katoa, me te wehewehe i nga moni katoa.
Koia Nei Nga Painga E Puta Mai Me Ka Mahia Houtia He Ture E Te Paremete.
Me tu tonu tetahi Kooti Whakawa Whenua Maori, me te ture ano mo te whenua Maori, no te mea, e tika ana kia tu tonu tetahi Kooti mo nga mea nana, kahore e taea te whakarite, me tetahi ture e kaha ana mo te katoa. Otira, me mutu te Kooti Whakawa Whenua Maori, me nga ture mo nga whenua Maori i raro ra i nga ture e whakahaerea ana i naianei. Ko nga ruuri utu nui nei e kore e whakaaetia i raro i nga whakahaerenga hou nei. Ko nga ruuri wehewehe ka whakarereketia, kia mama haere ai te mahi mo aua ruuri. Ko nga tino ruuri ko aua ruri i nga whenua hai whakanohoanga tangata, pena me nga whenua o te Karauna e ruritia ana. Ko nga rohe i waenga i nga iwi me waiho i te maunga, i te awa ka maakatia e te kai ruri ki te mapi, e hara i te mea hai rohe mo te whenua, engari mo te wehewehenga o nga mea i puta mai o runga i te whenua. Me pena ano nga rohe te whakatakoto i waenga i nga hapu. Ko te mahanga hoki o nga whakawakanga keehi i nga Kooti, me nga mea kino e tupu ana i aua Kooti ka iti haere. Tena, e oti i nga Komiti i nga runanga te whakarite i nga rohe me te hunga nona. A, ko nga keehi tino uaua ka kawea, ma te Kooti e whakaoti i runga ano i nga korero i puta ki te aroaro o te runanga. A, no te mea ka taea te riihi, te aha ranei i te whenua i te mea kua uiuia noa ihotia te hunga no ratou te whenua, a, ka waiho, a muri ata whakawa ai. Na, no te mea ko nga page 19take e whakaputaina ana e te Poati i raro i nga tikanga kua whiwhi i te kahanga o te ture; e kore e tirotirohia e nga Tiati nga tikanga, ka kore hoki nga Kooti whiriwhiri mo te hoko tahae. Kaore he tiiti Maori i uru nei te tahae, te pohehe, te utu nui, nga tuku tahae ranei, me te raruraru noa iho. Ma konei e ora ai te iwi Maori, na te mea, ka marama nga tikanga whakahaere o te Poati Whenua Maori. Ko nga whenua hoki a te iwi Maori ka whakamahia mo te pai o te Katoa.
Kaua E Waiho Ma Te Hiahia o Te Tangata E Mana Ai Te Ture.
Ko etahi kaikorero kua mea ma te tangata tonu e hiahia, ka whakahaerea ona whenua i raro i te ture hou. Ki to matou titiro, e hara taua huarabi i te huarahi tika, matau ranei. Ki te mea ka pahitia he ture hou me whakamahia tonutia; kaua rawa e waiho ma te hiahia o ia tangata, o ia tangata. Kaore. E hara te iwi Maori, i te iwi huna i ona whakaaro. Na, ko nga iwi nunui tonu i whakaputa i o ratou whakaaro. A, me he mea ka hangaia he ture, a, ka waiho ma ratou te whakaaro ki te haere mai ki raro o taua ture, ki te noho atu ranei ki waho, tera ratou e mohio kei te awangawanga ano te Kawanatanga ki te tika, ki te aha ranei o ana mahi. He maha, he kaha hoki nga whakamahinga o waho kia waiho ano ki nga ture o naianei. Kia marama te ture, engari, kia u.
Whakatunga mema mo Te Whare o Runga.
I a matou e hoatu ana i tenei hei ture hou, e horoi ana, e whakatahuri ana i nga ture o nga tau e torn te kau ka mahue ake nei, e mohio tonu ana matou i te whakahe kei mua ia matou. I te Whare o Raro e ahua riterite nga mema Maori mo te iwi Maori, ki o nga mema Pakeha i taua whare ano mo te Iwi Pakeha. Otira, kaore i pena te ahua rite i nga mema Maori i te Whare o Runga. Na, tokorua, anake, nga mema Maori kei te Whare o Runga. Na, ko Hon. Taiaroa, otiia he tangata whaimatauranga, he tangata puku mahi, kaore ia e mohiotia ana e nga iwi Maori o tenei motu, e whakahaere tikanga ana ia mo ratou. Na, e tu kotahi ana a Meiha Ropata Wahawaha hei mangai mo nga whatekau mano Maori, o tenei motu, ia ratou tetahi wahi o to whenua. Na, ko tenei e korerotia ana, hei whakahaerenga mo te iwi Maori katoa, mo te pai ranei, mo te kino ranei, a ko nga ture mo nga whenua Maori kia hurihurihia a tino whakarereketia pea, e whakaaro ana te iwi Maori, kia maha atu, nga mema Maori i roto i te Whare o Runga, kia nui atu te whaimohiotanga mo te taha kia ratou i te Kaunihera. E tohe ana hoki ratou tera nga mema Pakeha o taua whare e hiahia kia tino mohio ratou i nga whakaaro o te iwi Maori ki tenei hurihuritanga i te ture. Na reira ka mea ratou me korero matou kia karangatia etahi rangatira Maori, kia tokorua, me whiriwhiri i nga tangata tino mohio, ki te whakahaeretanga o nga Kooti, i nga ture whenua, ki te Whare o Runanga. E tino mohio ana matou, he mea tino pai rawa, mehemea ka peneitia, he mea tino pai tenei mo te iwi Maori, hei awhina i nga mema o te Whare o Runga i nga whiriwhiringa, i nga mahi a nga Komiti hoki. Kua korero wehi kore matou i runga i nga mea katoa i whakamana ai tenei Komihana ki te rapu. Tera pea, e kiia kua whiti atu matou ki waho, i te kaha ra o to matou whakahe ki nga mahi o taua Paremata, i tu nei tokorua o matou hei mema. Engari, kihai i pena to matou titiro iho ki to kupu whakahau ia matou. I whakaaro nui matou ki te honore o te Karauna, kua maha noa atu nei te whakaatu ki nga iwi Maori o Niu Tireni, kua whakauaua matou kia kaua e whakanuia, e whakaitia ranei nga kupu, me te ahua o nga korero kua whakaputaina kia matou, me te korero hoki o te tuatahi mai o tenei korero mo te taha ki te tangata Maori.
Kua whiriwhiria e matou etahi o nga kupu whakaaro o etahi o nga tangata ingoa nui i uru ki taua mahi, ara, a Kawana Kerei, Pihopa Herewini, Tiati Retimana, Penetana Timuaki, me nga tini noa atu, kua tu mai. I whakaae katoa nga rangatira Maori ki o ratou korero. Kua whakaae nga rangatira katoa, kaore kia kotahi i whakahe, ara, ki nga kupu nunui i korero tahi ai ratou ko nga Pakeha. Kaore ano i penei te kotahitanga o nga whakaaro o katoa i mua. Ia Te Whiti te tangata noho marire tae noa kia Te Kooti, tangata o te whawhai, kotahi ano te whakaaro. Te tangi o katoa timata mai i te Rerenga Wairua, tae noa ki Poneke, he kino te mea kua mahue ake nei, hanga tetahi huarahi hou kia pai ai te noho a muri ake nei.
E kore matou e huna i a koe, e titiro titaha mai ana te Pakeha me te Maori, ki to matou mahi, e mahara ana tera ano e pera tenei whakamahinga me era i whakamahia i nga wa kua hori ake nei. He maha hoki no enei tu mea kua kore noa iho, ka ahua ngakaukore, kei pera ano tenei. Kaore matou i whakamama i to matou mahi, a taiawhiotia te motu, tutaki ana matou ki nga iwi e rua. Kua kite te tino whairawatanga o tenei motu o Niu Tireni. Kotahi ano te mea e toe ana hei tino whakakake haere, whakanoho pai, ara, ko te whakatikatika i nga take ki nga whenua Maori, ko te whakanohoanga i te whenua. To matou tino hiahia nui kia kaha o Kai-tohutohu, E te Kawana! te whiriwhiri i tenei mahi nui, i runga i te ngakau kaha me te tika. Na, ka mahi i runga i enei o matou maharaharatanga ka hanga he ture hai whakakake i te honore o te Karauna me te noho pai o nga iwi e rua i raro o te maru o te Kuini, i Niu Tireni nei.
Kupu Whakamutunga. Etahi Atu Komihana.
I a matou e hanga ana i tenei ripoata kahore i ngaro i a matou tenei, ara kua maha nga Komihana kua noho i nga tau kua hori nei ki te tuku ripoata mo runga i nga take whenua Maori, me nga tautohe i runga i nga whenua Maori. Timata mai ano i te ra i timata ai nga mahi a Komihana Peina i te tau 1843—me te tau 1844 a taea noatia tenei wa puputu tonu te ara mai o nga take e tika ana kia uiuia nga takinga.
Ka rua nga whakatunga Komihana i roto i tenei wa poto kua hori ake nei. A i te tau 1872 ka whakaturia ano e te Paremete tetahi Komihana i runga i te Ture, no te mea he maha nga aue me nga tautohe a nga tangata ki nga tangata o te iwi Maori ki te huarahi i riro ai nga whenua Maori i puta i te Kooti Whenua Maori i Haaki Pei. Ko te Komihana tuku whenua o Haki Pei taua Komihana. Ko Tiati Retimana me Tiati Maningi me nga rangatira Maori tokorua e tino mohiotia nei ara ko Hikairo me Te Wheoro nga tangata i noho i runga i taua Komihana. I katia mai nga take uiui kia pa anake ki te rereke o nga whakahaere ki nga Maori i Haaki Pei. He maha nga marama i noho ai taua Komihana, a he maha nga korero tikanga nui i whakapuakina page 20kia ratou; erangi kihai i whakahaerea nga tikanga o ta ratou mahi i runga i te huarahi e puta ai he hua: Tau ana mai te pouri i runga i te mea kihai nga mahi me nga tikanga nunui i whakapuakina e Tiati Retimana i kawea kia hanga hei ture whakahaere tikanga. Tau ana mai hoki te pouri i runga i nga tikanga i whakapuakina. Erangi ki te titiro atu kihai i whakahaerea tetahi tino tikanga kia kitea he ora. Akuanei i te ohonga o nga whakaaro i te tau 1880 i runga i te alma taritari me te mataku mai o te ahua o nga Maori o te Tai Hauauru ka whakaturia ano tetahi Komihana hei whiriwhiri i nga tikanga, me te tuku korero mai. A tau ano te pai ki te Komihana o te Tai Hauauru i runga i nga mahi a Ta Tirana Pere me Ta Wiremu Pokiha. Ko ta raua mahi he kimi i nga tika o nga tono a nga Maori kupapa e noho ana i runga i te takiwa i raupatutia, me te titiro hoki i nga mea e hiahiatia e nga Maori ahakoa i mau patu ratou i mua ki te Karauna kua hoki ki o ratou kainga tawhito me te noho i reira i runga i te rangi marie. Heoi tahuri ana te Paremete me te Kawanatanga ki te mahi i runga i nga ripoata i hanga e te Komihana o te Tai Hauauru. Ahakoa e whakaaro ana matou he tika kia whakarereketia nga tikanga, kua tino u te whakaaro i roto i a matou he nui te pai o nga ture i hanga i te tuatahi i runga i nga ripoata a taua Komihana, a e mahi manaki ki nga Komihana me te Koroni. Kotahi nei te he ko te kore ahua tau o te pai i runga i nga whakatikatikanga i aua ture e te Paremete.
I tukuna ki aua Komihana, ko te nuinga nei o ratou he hunga matauranga nui he hunga ngakau tika, nga take e pa ana ki te hunga tokoiti o nga iwi e rua o te Maori me te Pakeha, a kotahi tonu nga tu keehi i whakahaerea i roto i ia Komihana, a, i katia mai nga whakahaere ki nga wahi anake i tohutohu atu ra kia mahia.
Kei te takoto tarewa tonu a tatou tikanga ki era kua mahi i mua i a tatou, kahore hoki matou i hopohopo ki te tango mai i to ratou matauranga, i ata kimihia haeretia i kohikohia mai hoki i runga i te uaua tonu o ta ratou mahi. Otira, mehemea e maharatia ana kei te neke te nui o te marae o ta matou mahi a i uru katoa a Aotearoa ki roto i taua marae i tukuna nei nga patai me nga take hoki a nga iwi e rua e noho nei i runga, a e pera hoki te noho a muri ake nei; a kua tau ko matou hei whakaari atu i nga tikanga e puta mai ai te ora i runga i nga he o mua, me nga tikanga mo te whakahaere o nga Kooti, o te ture, me nga whakahaere a muri nei o nga whenua ko tona rahi e rite nei ki tetahi kingitanga; heoi, e niahara ana matau he tika kia riro i a matou te tikanga kia tono atu ki tou tino painga e te Kawana kia tau ou whakaaro i runga i te rahi o ta matou mahi. Ehara hoki te mahi i whakaekea mai ki runga i a matau i te mahi hangahanga-noa iho. Tera ano pea kua raruraru nga tino matauranga o nga tangata e neke ake ana nga matauranga i au pononga e te Kawana; kua whakamatau matou ki te whakatuturu i ta matou mahi. Ma ta matou ripoata ano e whakapuaki i tona painga. I tukuna mai e matou i runga i te tumanako tera e tipu ake be rangimarie he ora ake tonu atu i Aotearoa, ki te wahi i tino piri ai ta matou ripoata. Ma tona mana tonu e whaki i tona tukunga iho. Ma te wa me nga whakama-tauranga e whakatau i te rahi o tona painga. Mehemea e taea ana tetahi wahi o te ora me te pai i hiahia ai matou kia tau ki nga iwi e rua i Niu Tireni ka tino ea au whakainanawatanga i whakaekea e koe e te Kawana ki runga i a matou.
Ekore ia e taea e matou te whakamutu i ta matou mahi kia oti marire te whakapuaki i a matou mihi mo nga awhinatanga i te mahi a te Komihana e nga tangata o i ia ahua o nga iwi e rua. Tena noa ake ia te tika kia tukuna a matou mihi kia J. M. Kirihi kaituhituhi poto hekeretari hoki ki te Komihana, me M. J. Kenana, kaiwhakamaori mo te nui o to raua mohio me te ruha kore o rau i runga i te hono tonu o te mahi i taua mahi taumaha.
I tukuna i raro i o matou ringa a i hiiritia ki a matou hiri i Poneke, i tenei i te ruatekau ma toru o nga ra o Mei 1891.
W. L. Riihi, Tiamana. (L.S.)
Timi Kara. (L.S.)