Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Ripoata a nga Komihana i Whakaturia hei Whiriwhiri i nga Putake e pa ana ki nga Ture Whenua Maori.

“Te Ture Whenua Maori, 1867”

“Te Ture Whenua Maori, 1867”.

I mahia e te Paremete "Te Ture Whenua Maori, 1867," hei whakatikatika i aua raruraru.

I runga i te mana o te tekiona 17 o taua Ture e taea ana ano te tuku tiwhikete ki te kotahi tekau o nga tangata whaitake, engari hoki i mea kia rehitatia e te Kooti nga ingoa o nga tangata katoa e whaitake tahi ana ki te whenua, me tuhi hoki o ratou ingoa ki tua o te tiwhikete. Na i mea page 4ano hoki taua tekiona 17, ko te whenua o roto o te tiwhikete pera me kaua e taea te hoko te mokete ranei kia oti ra ano te wawahi nga paanga whaitaketanga; engari me taea ano te riihi e te hunga kotahi tekau ra mo nga tau e rua tekau ma tahi engari kaua e roa atu.

He nui nga whenua i mahia i raro i nga tikanga o te Ture o te tau 1867, i riihitia e te hunga kotahi tekau; engari hoki ko nga moni o te nuinga o aua tu reti i kainga ano e taua hunga kotahi tekau, pera ano me te kainga o nga moni hoko e te kotahi tekau i raro i nga tikanga o te Ture o te tau 1865. Otira ko te pai o tenei Ture ko te arainga i te tino hokonga o nga whenua a te hunga i whaitake ra ano ki aua whenua.