Me matua whiriwhiri te whaitaketanga o te Iwi i mua o te hoko.

I muri iho o te timatanga o te whawhai i Waitara i te tau 1859, ka kitea he mea tika kia whakaturia he hunga whaimana hei whakatau i nga take whenua e tautohetia ana, kia mohiotia ai ko wai te hunga whaitake i mua atu ano o te hokonga o te riihitanga ranei o te whenua.

No te tau 1862 i whakamana ai te Ture tuatahi. I runga i taua Ture i whakakorea atu e te Kawanatanga tona mana i tukuna ra e te Tiriti o Waitaugi me "Te Ture Whakamana i te Koroni, 1852," i mea ra era ma te Karauna anake e hoko nga whenua Maori. Na i taua wa i te tau 1862 i tukuna atu te mana ki te katoa kia ahei ki te hoko i nga whenua Maori kua whakataua ra nga take e te Kooti Whenua Maori, me te whakarite atu i nga huarahi hei haerenga mo aua hoko. Otira kihai i mahia nuitia nga hoko whenua i raro i "Te Ture Whenua Maori, 1862." Ko "Te Ture Whenua Maori, 1865," ke te ture i tino mahia nuitia ai ona tikanga.