Kotahi Tonu Te Whakaaro o Nga Maori Mo Nga Ra E Haere Ake Nei.

Ehara hoki i te mea i nohopuku te whakaae a nga Maori, e hara hoki i te mea i whakahe kau ki nga tikanga o mua me o naianei, erangi i uru ratou ki te whakapuaki i o ratou hiahia mo a mua ake nei. I nga wahi katoa i uru nga iwi ki te whakapuaki i o ratou hiahia mo nga whakahaere o o ratou whenua a mua ake nei. E whakaoro ana ratou tera ano e kitea nga take a ka ahei ano hoki te whakatau, ka ahei ano hoki te whakatau i nga rohe, me te hanga i nga rarangi ingoa e nga Maori ake ano, kia waiho iho kia torutoru nei nga take e whakatetea ana hei whakataunga ma te Kooti. E whakaaro ana ratou ka ahei te Komiti hui atu ki te Komihana Takiwa me te Tiati Takiwa kua whakahuatia i muri iho nei te whakariterite i nga take a ia tangata.

E tino whakapumautia ana tenei whakaaro i runga i nga whakahaere a Renata i te Tai Hauauru, me Tiati Wari o Waitotara, me Tiata Make i Poneke i runga hoki i nga keehi pera me Porangahau me Taharoa, me Kaiti i Kihipane i wehewehea nei i runga i to whakaae a nga tangata kia neke ake i to toru rau tekeiona.

Na enei keehi i tino whakaatu ka ngawari te huarahi wehewehe i nga whenua o nga iwi me te whakatau i nga take a ia tangata i runga i te whakahaere tika a nga tangata tino mohio, a nga tangata hoki ekore e wehingia e nga Maori. Kihai hoki i hopohopo nga Maori ki te whakapuaki i to ratou whakahe kia tukua tenei kia tukua tera tangata ki te hoko whenua i te mea kahore ano kia wehewehea kia tau ano hoki ki ia tangata. E whakaaro ana hoki ratou ka taea ano e tetahi Komiti i whiriwhiria i roto i nga tangata whai take me tetahi apiha o te Kawanatanga te whakahaere i nga tuku riihi, a ma te Apiha o te Kawanatanga e tuhatuha nga moni reti ki waonga i nga tangata whai take. Kahore ratou e pai ki te hoko erangi e pai ana ratou ki te riihi i o ratou whenua. E hiahia ana hoki ratou kia hanga he rahui ki ia wahi ki ia wahi hei utu mo te whaka-akoranga o a ratou tamariki me te whakatu i nga kura mahi. E tono ana hoki ratou ki to mea e hiahia ana etahi o ratou a e kaha ana ki te whakahaere i a ratou tikanga hei painga mo ratou ake, me whakarite i runga i te ngakau whakahoahoa kia riro i a ratou te wahi tika o to whenua o te iwi ki ia tangata ki ia tangata hei mahi paamu me etahi tikanga. Ki te peratia ia te tikanga me whakarere e ratou kia pena te maha o nga moni reti o te poraka katoa. Kotahi tonu te hiahia o ratou katoa kia tu tetahi Komihana matau hei whakaoti i nga raruraru katoa e noho nei, Mehemea kahore he he o te Pakeha me whakamana tana take, a ko nga wahi kahore he raruraru he tautohe me whakatau e te Kooti kia oti ake ake. Ko etahi e hiahia ana ki te whakapai i o ratou whenua.

Ko nga Pakeha i tae mai kia uiuia o ratou whakaaro wahi iti nei te rite tonu ai o a ratou whakaaro katoa i runga i nga tikanga nunui i whakaae ai nga Maori.

Tera ano ia etahi tangata o nga iwi e rua i rereke nga whakaaro o tetahi i tetahi i runga i nga take ririki me nga whakaotiotinga o nga tikanga, erangi i runga i nga take nunui he mea miharo te rite tonu o te whakaaro. Me te mea nei he mea to te tangata o ia kara o ia hapu o ia iwi o ia rangatiratanga kia rite tonu te whakaaro.