.jpg)
Ripoata a nga Komihana i Whakaturia hei Whiriwhiri i nga Putake e pa ana ki nga Ture Whenua Maori.
Nga Patai e Ru
Nga Patai e Ru.
E te Kawana, i roto i to Komihana e rima rawa nga patai i tukuna mai e koe ki a matou, engari hoki e mea ana matou me whakapoto kia rua ano patai, ara:—
| 1. | He aha nga putake mai, he pewhea hoki te ahua, me te maha o nga wahi he (a) o nga ture whenua Maori, (b) i runga i nga hoko, me (c) Te Kooti Whenua Maori? |
| 2. | He aha te haurahi pai hei whakahaerenga mo nga whenua Maori a muri ake nei, e puta ai te pai ki nga Maori me nga Pakeha e taea ai te whakanohonoho te whenua ? |
I runga i te whiriwhiringa i enei take me ata titiro ki nga huarahi e hokona ana nga whenua Maori, me titiro hoki ki nga ture whakahaere tikanga whakatau i nga take whenua Maori, me nga ture whakahaere i nga tikanga hoko o nga whenua kua whakataua nga take. Me tuhi e matou nga mahinga o aua take mai o mua me nga kupu whakahoki mai me nga whaikorero a te hunga i korero mai ki a matou, ma era katoa e whakamarama atu te tikanga.