Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Reports of the Native Affairs Committee, 1907.

[Translation.]

[Translation.]

Me whai mana whakahaere, te Kooti Piira Whenua Maori, i runga i te tono a ia Maori e kereme ana he paanga tona ki Okahukura Poraka, ki te uiui me te whakatau i nga rohe, ahakoa he rohe tupuna he rohe pewhea ranei aua rohe i runga i te whakaaetanga i mahia i waenganui i nga hapu i whakataua nei ki a ratou taua Poraka (hui atu ki nga poraka e karangatia nei ko Papakai No. 1 me Papakai No. 2 me Ngapuna) i te whakawakauga o nga take paanga e mau nei te whakaatu i roto i nga meneti o te whakahaerenga a te Kooti Whenua Maori, Pukapuka iv, wharangi 107, me nga wharangi o muri iho, o nga meneti o te Kooti Whenua Maori mo te takiwa o Taupo, a mo runga mo nga tikanga kua kiia ake nei ka whai mana ki te whakau, ki te whakatikatika, me te whakarereke ranei, i te katoa, i etahi ranei, o nga ota i mahia i runga i te wawahanga o taua poraka, ki te whakakore ranei i te katoa i etahi ranei o aua ota, me te whakaputa ota wehewehe hei riiwhi mo aua ota tera e whakakorea, a ka ahei te Kooti Piira Whenua Maori, i runga i ena ota wehewehe, i runga ranei i etahi ota motuhake, ki te whakatau me te panui i nga hea paanga o nga Maori ki—a kei roto hoki i—te katoa, i ia ranei, o nga wawahanga o taua poraka, a ko ia ota pera hei whakaotinga tuturu, pumau. E kore tetahi kupu o tenei pukapuka e whakamana i te Kooti Piira Whenua Maori ki te whakarereke, ki te whakatikatika ranei, i te whakatau a te Kooti Whenua Maori, i runga i te whakawakanga o nga take paanga, e mau nei i roto i aua meneti kua kiia ake nei, me taua whakatau e kiia tuturutia ana i konei kua tino pumau mo te taha ki nga hapu e whai take ana ki taua poraka, a mo te taha hoki ki nga tangata e ekengia ana e aua ingoa hapu, ano tonu me te mea nei i tino whakaotia he ota whai mana tuturu, i runga i te whakawakanga o nga take paanga, ki aua tangata e ekengia ana e aua ingoa hapu i runga i te tikanga o aua meneti, i te wa o taua whakawakanga i nga take paanga. E kore tetahi ota tera e mahia e te Kooti Piira Whenua Maori i runga i nga tikanga kua kiia ake nei e pa hei mate ki runga ki nga tika o ia tangata kua uru ki roto ki nga kanataraka mo te hokonga mo te miratanga ranei o nga harakeke i runga i taua poraka:

Engari mehemea ka whakarereketia e te Kooti Piira Whenua Maori nga rohe, nga tangata ranei mo ratou tetahi o aua wawahanga, ko nga moni reti katoa, roiate, me era atu moni katoa ranei e tau ana i naianei, a muri ake ranei te tau ai, hei utunga i raro i ia kanataraka pera ki nga tangata no ratou ia wawahanga pera o taua poraka, me utu ki te tangata, ki nga tangata ranei, i whakataua ai e te Kooti Piira no ratou taua wahanga, kaua ki te tangata ki nga tangata ranei e tika ana, mehemea kaore taua whakatau, hei tango i aua moni.