[Translation.]
No. 824, 1903.—Pitihana a Horomona Rongoparae me etahi atu toko-toru.

E Ki ana nga kai-pitihana ko Aorangi Poraka, i te Takiwa o Te Takapau, i whakaurua hetia ki roto ki te whenua i hokona e te Karauna e karangatia ana ko Umuopua Poraka, a e inoi ana hoki kia whakahokia taua whenua kia ratou.

Kua whakahaua ahau kia ki penei, ki te whakaaro a te Komiti me whakatutuki te ripoata i mahia i te tau 1896 i runga i tetahi pitihana penei ano te ahua—ara, ki te whakaaro a te Komiti me whakatu e te Kawanatanga kia tokorua nga tangata mohio, a me haere raua me nga Maori e whai tikanga ana ki te titiro i taua poraka, kia mohiotia ai kei te haere tonu ranei nga rohe o te poraka i runga i nga rohe i whakaetia i te wa i hokona ai te poraka ki te Karauna, kaore ranei; a ki te kitea kua he nga rohe heoi me puta he utu ki nga kai-pitihana.