Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Reports of the Native Affairs Committee, 1904.

[Translation.] — Ripoata Whakamutunga

[Translation.]
Ripoata Whakamutunga.

Kua whakahaua ahau kia ki penei, i tu te huihuinga whakamutunga o te Komiti mo nga Mea Maori o tenei tunga o te Paremete, i te ata inanahi (te 3 o Noema, 1904).

I roto i tenei tunga o te Paremete 48 nga huihuinga o te Tino Komiti, a ko te Wahangakomiti, i whakaturia hei whiriwhiri hei ripoata hoki mo runga mo nga pitihana i toe mai i era atu tau, e rima ona huihuinga, a puta ana aana ripoata mo runga mo nga pitihana e whitu tekau ma iwa i tukua kia a ia.

Te huihuinga katoatanga o nga pitihana i tukuna, hui atu ki aua mea 79 kua korerotia i runga ake nei, kotahi rau e whitu tekau ma rima, a i roto i ena, 156 nga mea i whakahaerea, i ripoatangia; a ko nga mea 19 e toe ana e whakaatu ake nei i roto i te kupu apiti e piri nei ki tenei, kua waihotia atu mo tenei tunga o te Paremete e haere mai nei.

Mo nga pitihana a Kuini Wi Rangipupu me Heni te Rau, mo nga whenua kei roto i te ringa o te Kai-tiaki mo te Katoa, ko nga korero i whakarongona e te Komiti kua perehitia, a ka kitea i roto i te Pukapuka Paremete I.-3A.

I whiriwhiria ano e te Komiti, a i puta hoki tana ripoata, mo runga mo te Pire Reiti Whenua Maori, te Pire Whakatikatika i te Ture Reiti, te Pire Whakatikatika i Te Ture Kainga Maori i Taumutu, me te Pire Whakarite Kereme Whenua Maori Whakatikatika Ture.

Kua whakahaua ano ahau kia ki penei, i paahitia tenei kupu e nga mema katoa i reira, i runga i te motini a te Raiti Honore Te Hetana, ara:—

"E tino kaha ana te whakawhetai a te Komiti kia Te Auhana, mo ana mahi, me te kaha rawa ona ki te whakahaere i nga mahi o te Komiti, i runga i tona tunga Tiamana, a me te tumanako atu ano kia whakaroangia ona ra e ora ai ia hei hapai i te iwi Maori me te Whare, penei me ana mahi e mahi nei ia i roto i enei tau tekau ma wha kua hori ake nei."

4 o Noema, 1904.