Title: Reports of the Native Affairs Committee, 1902

Author: Native Affairs Committee

Publication details: John Mackay, 1902

Part of: He reo ture nō te taha Kāwana / Language of the Crown

License: Creative Commons Attribution-Share Alike 3.0 New Zealand Licence

Share:

Ripoata Whakamutunga.

E whai honore ana ahau ki te ripoata no te Paraire te 26 o nga ra o Hepetema, 1902, i tu ai te huihuinga whakamutunga o te Komiti mo nga Mea Maori.

Hui atu ki nga pitihana e rua tekau ma whitu i toe i tera tuunga o te Paremete, e waru tekau ma iwa katoa nga pitihana i takoto ki te aroaro o te Komiti, a e toru tekau ma tahi o enei i whiriwhiria i ripoatatia, a ko nga pitihana i toe e mau nei i te Kupu Apiti kua ata waiho.

I tukua mai kia whiriwhiria e te Komiti te Pire Whakatikatika i te Ture Whakatau Rahui o te Tai Hauauru, a kua ripoatatia taua mea.

A kua whakahaua hoki ahau kia ki penei, i te mutunga o nga mahi a te Komiti i tenei tuunga o te Paremete, paahitia ana he pooti whakawhetai e te Komiti mo me Tiamana, mo te karaka me te kai-whakamaori.