[Translation.]
No. 74, 1899.—Pitihana a T. H. Smith.

E amuamu ana te kai-pitihana mo nga mahi i mahia ki a ia i runga i ana kereeme mo etahi whenua i te Takiwa o Maketu, a e inoi ana kia whakataua aua kereeme.

Kua whakahaua ahau kia ki penei, kua kitea e te Komiti he tino mate to te kai-pitihana, a ahakoa kaore i haere ana whakahaere mo ana kereeme i runga i nga huarahi matau, otira e tika ana kia whakaarohia ia; na reira ka whai kupu te Komiti, ara, hei taunga a hei otinga rawatanga mo ana kereeme katoa, me hoatu noa atu ki te kai-pitihana, i runga i te utu kore, e te Kawanatanga nga 600 eka o Maungarangi Poraka, i whakahuatia nei i roto i te reta whakaatu i nga huarahi e whakaotia ai aua kereeme, i tuhia nei e te Kawanatanga ki te kai-pitihana i te 14 o Hepetema, 1899.