[Translation.]
No. 143, 1898, me No. 227, 1899.—Pitihana a James McLellan.

E ki ana te kai-pitihana i whakamatau ia ki te hoko i nga Maori i nga poraka o Awaroa No. 1 me No. 2 me Rotokakahi, engari kaore i taea e ia te hoko, otira i runga i taua mahi ana utua ana e ia nga ruri mo aua poraka, a i te mea i naomia atu aua ruri e te Kawanatanga hei whakahaerenga i te hoko o aua poraka ma te Karauna, na reira ka inoi te kai-pitihana kia utua ia mo aua ruri.

Kua whakahaua ahau kia ki penei, i te mea kihai te kai-pitihana i tono kia whakataua he riana mana ki runga ki aua poraka hei punga mo ana moni i pau i aua ruri, na reira ki te whakaaro o te Komiti kaore kau he take e tono ai te kai-pitihana kia whakaeangia tona mate e te koroni, engari i te mea e 4,000 nga eka o taua whenua kei te toe ki nga Maori i mea nei ki te hoko i taua whenua ki a ia, e whakaaro ana te Komiti ko aua Maori ke te hunga tika hei ahunga atu mo te tono a te kai-pitihana kia utua ia.