page 10

[Translation.]
No. 130 1898.—Pitihana a Pera Kati me etahi atu kotahi rau e rima tekau ma tahi; No. 131, 1898, a Te Area me etahi atu kotahi rau e rua tekau ma iwa: No. 300, 1898, a Ngatata Karaka me tetahi atu; me No. 475, 1898, a Hemi Kuti me tetahi atu.

E inoi ana nga kai-pitihana kia whakahokia atu ki a ratou etahi whenua i hoatu ki te Hahi o Ingarangi i mua i runga i nga kupu i takoto i nga kai-whakahaere o taua hahi i taua wa, ara, tera e whakaarahia e ratou etahi kura, &c., hei painga mo nga Maori, na, ko aua kupu, mai ano i taua wa taea noatia tenei ra, kaore ano i whakatutukitia.

Kua whakahaua ahau kia ki penei, ki te whakaaro o te Komiti e tika ana kua pa he mate ki nga kai-pitihana, notemea kua tino kitea kaore ano i whakatutukitia nga tikanga i hoatu ai aua whenua. Ki te whakaaro o te Komiti me whakauru e te Kawanatanga he Pire ki te Paremete hei whakakore i nga Karauna karaati i whakaputaina ki te Roore Pihopa o Niu Tireni, kia hoki ai aua whenua ki te ahua papatupu o mua, a kia hoki ai aua whenua ki nga Maori nana i hoatu, ki o ratou kai-riiwhi ranei, hui atu ki nga moni reti katoa kua puta i aua whenua.