[Translation.]
No. 248, 1898.—Pitihana a Wepiha te Wainohu me etahi atu iwa tekau ma waru.

E ki ana nga kai-pitihana ko nga tangata kua tuhia nei o ratou ingoa ki roto ki te Karauna karaati o Waihua No. 1 me No. 3 Poraka, takiwa o Wairoa, Haaki Pei, he kai-tiaki kau ratou mo nga tangata tika no ratou te whenua, a kua riihitia e aua kai-tiaki aua whenua mo tetahi wa roa mo te moni iti iho i te wariu tika, a, ko tetahi, e he ana nga hea o ia tangata i whakataua e te Kooti Whenua Maori. E inoi ana ratou kia whakatikatikaina aua he.

Kua whakahaua ahau kia ki penei, ki te whakaaro o te Komiti me tuku atu tenei pitihana kia whiriwhiria paitia e te Kawanatanga.