Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Reports of the Native Affairs Committee, 1898.

[Ripoata Whakamutunga]

E whai honore ana ahau ki te ripoata no tenei ata i tu ai te huihuinga whakamutunga o te Komiti mo nga Mea Maori o tenei tuunga o te Paremete.

E rima tekau ma toru nga pitihana o tera tuunga o te Paremete kaore i taea te mahi, a hui atu era ki nga mea hou o tenei tuunga, hui katou 150 nga pitihana i takoto ki te aroaro o te Komiti. Kotahi rau e toru o enei kua oti te ripoata, ara, te whakatau, a toe ana e wha tekau ma whitu. (Tirohia i te rarangi whakamutunga e mau ake nei.)

Koia enei nga Pire i tukua ki te Komiti, a, no te otinga mariretanga o te whiriwiuri, ripoatatia ana ki te Whare, ara: Te Pire Poari mo nga Whenua Maori o te Tai-Rawhiti, Te Pire Whakatautau Whakahaere hoki i nga Whenua Maori, me Te Pire mo nga Maori Whenua-kore.

I te whakahaerenga o te Pire Whakatautau Whakahaere hoki i nga Whenua Maori he nui nga korero mo taua Pire i korerotia ki te aroaro o te Komiti, a kua tuhituhia katoatia aua korero, a tera e kitea i roto i nga Pukapuka Paremete (Tirohia i I.–3A).

I mua tonu i te mutunga o nga mahi a te Komiti paahitia ana te motini e mau ake nei, a whakahaua ana kia ripoatatia e ahau, ara: "E mea ana te Komiti kia tirohia te tika o tana tono, ara, kia whakaritea he ruma totika mo te Komiti hei whakahaerenga i nga mahi e pa ana ki te taha Maori, na reira ki te whakaaro o te Komiti me rahi rawa he ruma mo te Komiti; a, ko tetahi, me whakarite he ruma motuhake mo nga kai-whakamaori me tetahi atu ruma ano mo nga Maori kaikorero e haere mai ana ki te Komiti."

3 o Noema, 1898.