[Translation.]
Pire mo nga Maori Whenua-kore.

I tukuna mai tenei Pire e te Whare ki te Komiti mo nga Mea Maori, a kua whakahaua ahau kia ki penei: Ki te whakaaro o tenei Komiti he Pire tino whai-tikanga tenei a tera e uaua e roa tona korerotanga, na reira kaore e taea te whakahaere i naianei i te mea kua tata tonu te mutu o tenei tuunga o te Paremete, engari ka whai-kupu te Komiti me tahuri te Kawanatanga, i mua mai o te tuunga o te Paremete e haere ake nei, ki te tatau haere i nga Maori kore whenua, a ki te rapu hoki i etahi atu tikanga kia marama ai te Paremete ki te whakahaere i tetahi Pire e kapi ai nga aronga katoa o tenei putake; a ki te whakaaro o te Komiti me tuku taua Pire ki te Whare i nga ra timatanga tonu o te tuunga o te Paremete e haere ake nei.