[Translation.]
Nos. 274 me 275.—Pitihana a Tamati Ru me etahi atu e wha tekau ma ono, me Erueti Tiketikeirangi me etahi atu tekau ma iwa.
E inoi ana nga kai-pitihana kia whakaaetia he whakawa tuarua mo Te Awanui Haparapara Poraka.
Kua whakahaua ahau kia ki penei, kaore e taea e te Komiti te whakaae kia whakawakia tuaruatia tenei keehi, engari i te mea kei te taupatupatu nga whakatau a nga Kooti nana i whakawa tenei keehi, na reira ki te whakaaro o te Komiti me tono te Tumuaki Kai-whakawa o te Kooti Whenua Maori kia whakahaere i nga mana kua tukuna atu nei ki a ia e tekiona 43 o "Te Ture Whakatikatika i nga Ture Whenua Maori, 1895," kia ai ai he huarahi e taea ai te whiriwhiri, i haere ranei te whakataunga whakamutunga a te Kooti i runga i te tikanga Maori kaore ranei.