[Translation. ]
No. 462, 1895.—Pitihana a Henare Tikitini me etahi atu tekau ma tahi.

E inoi ana nga kai-pitihana kia whakawakia tuaruatia ano a Pokuru Poraka, he wahi tenei no te Rohepotae.

Kua whakahaua ahau kia ki penei, i te mea e pa ana te whakatau a te Kooti Whenua Maori ki nga kainga me nga wahi tanumanga o nga whanaunga o nga kai-pitihana, ki te whakaaro a tenei Komiti me tuku atu tenei pitihana ki te Kawanatanga kia whiriwhiria paitia e ratou; a, ina uiuia ki te kitea he tika nga take i tonoa ai e nga kai-pitihana kia tirohia to ratou mate, heoi me mahi e te Paremete he ture hei hoatu ora ki a ratou.