[Translation. ]
No. 204.—Pitihana a Alice Mary Redmond, o Poneke.

He hawhe-kaihe te kai-pitihana, no te Iwi o Ngatiawa, Waitara, a e ki ana ia na runga i te haerenga o ratou ko ona matua ki Te Waipounamu noho ai, a na runga i tona ngaronga atu ki reira i tona tamarikitanga mai ra ano, kaore ia i whai huarahi ki te whakahaere i ana kereeme ki etahi whenua i Taranaki. E inoi ana ia kia whakaarohia tona mate i te mea he Maori kore whenua ia.

Kua whakahaua ahau kia ki penei, ki te whakaaro a te Komiti me tuku atu tenei pitihana ki te Kawanatanga kia uiuia, a ki te kitea he tika nga korero o roto me whakaae kia hoatu he ora mo te kai-pitihana.