Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Reports of the Native Affairs Committee, 1895

[Translation.] — No. 366.—Pitihana a G. E. Barton

page 25

[Translation.]
No. 366.—Pitihana a G. E. Barton.

E Inoi ana kia whakamamatia ia, ara, kia kaua e hoatu tetahi mahi taumaha ki a ia i runga i tenei e meatia nei me whakawa tuarua ano e ia nga keehi kua oti nei i a ia te whakawa tuarua i raro i te Ture Whakahaere Mana mo Poututu.

E whai honore ana ahau ki te ripoata, kua hurihuria e te Komiti tenei pitihana, a ki ta ratou whakaaro i maharatia ko nga mea i kitea a i whakataua e te Kooti i whakaturia nei i raro i "Te Ture Whakahaere Mana mo Poututu, 1889," ko te tino otinga ko te tino tuturutanga tera, a e kore rawa e taea ano te tono kia whakawakia tuaruatia. I te mea kua whakapuakina te kupu e te taha ki te Kawanatanga ka mahia e ratou he ture i tenei huinga o te Paremete hei whakatatu i taua mahara, engari kaua e pa he raruraru i taua ture ki nga keehi kua uru nei ki te Hupirimi Kooti, ara, kaua e whakahengia e taua mea nga tika era e puta ake i aua mea, na reira ka whakaaro te Komiti tera e ea te inoi a te kai-pitihana ina mahia he ture pera te ahua. Ko te whakaaro tenei a te Komiti me tuku atu tenei pitihana ki te Kawanatanga kia whiriwhiria.

22 o Oketopa, 1895.