[Translation.]
No. 638, 1894.—Pitihana a te iwi o Rangitane.

E Inoi ana nga kai-pitihana kia hoatu he whenua mo ratou hei utu mo ta ratou mahi hoia.

E whai honore ana ahau ki te ripoata penei: I uru ki te mahi hoia nga kai-pitihana nga whawhai o te Tai Hauauru i nga tau 1866-68. Na ko etahi o nga hoia Maori i whawhai i taua wa kua whakawhiwhia ki te whenua mo ta ratou mahi. Engari kaore nga kai-pitihana i tuku atu i ta ratou kereeme i mua atu o te ra i whakatuturutia e Te Ture mo nga Heramana me nga Hoia hei taenga atu mo aua tu kereeme. Ko ta ratou whakamarama mo tenei mangere o ratou e penei ana, i mahara ratou ma Meiha Keepa, nana nei ratou i tare ki te whawhai, e tono he whenua mo ratou. I te mea e mohiotia ana, ko tenei putake, ara, ko te hoatu whenua ki nga Pakeha mo te mahi hoia, tera ia e whiriwhiria a muri ake nei e te Kawanatanga, kaati ki te whakaaro a te Komiti me ki he kereeme pera tenei pitihana, a me whakahaere e te Kawanatanga ina whiriwhiria etahi atu kereeme mo nga mahi hoia.