[Translation.]
No. 226.—Pitihana a Pirinihi Te Rito me etahi atu toko rima.

E Ki ana nga kai-pitihana kua tukuna e ratou he tono whakawa tuarua mo Paraumu Poraka, ko taua tono i tukuna atu i runga i nga huarahi tika, otira mehemea nei kaore i tae atu ki te Kooti Whenua Maori, a e inoi ana ratou kia whakamana te Kooti ki te whakaae i taua tono whakawa tuarua.

E whai honore ana ahau ki te ripoata, i te mea e ki ana te Tumuaki Kai-whakawa kaore ia i te kite take e he ai te korero a nga kai-pitihana, na reira ki te whakaaro a te Komiti me hoatu he ora mo nga kai-pitihana, a me whakauru he tikanga ki roto ki te Pire Whakatikatika i nga Ture Whenua Maori e mahia nei inaianei hei whakamana i tenei me nga putake penei te ahua.