[Translation.]
No. 4.—Pitihana a H. T. Mahupuku.

E Ki ana te kai-pitihana he tangata whai whenua ia, a e tata ana ki te £18,000 te utu o ana whenua, a tera ano etahi atu paanga ona ki etahi atu whenua e eke ana nga utu ki etahi atu mano pauna. E tono ana ia kia hoatu he mana ki a ia e ahei ai ia ki te nama moni i runga i ona whenua hei whakaea i ana nama. I runga i te Ture i mahia i tera huihuinga o te Paremete, a i runga i nga tikanga whakahaere a te Kawanatanga i whakamana e te Whare, kua kore ia e whai mana ki te hoko ki te mokete ranei i ona whenua. E ki ana ia mehemea e whai mana ana ia ki te mokete ki te hoko ranei i ona whenua ka whiwhi noatu ia i te moni hei oranga mo ratou ko tona whanau. Ki te kore te Ture e whakatikatikaina tera ia e pekeraputia.

E whai kupu ana te Komiti kia tino ata whiriwhiria e te Kawanatanga tenei pitihana, no te mea ki ta ratou whakaaro me whakauru he tikanga mo nga take penei te ahua ki roto ki te Pire whakatikatika meake nei ka whakatakotoria ki te aroaro o te Paremete.