Reports of the Native Affairs Committee, 1894.

[Translation. ] — Pire Whakamana Take Paanga Whenua Maori Whakatikatika i nga Kereeme me nga Rohe

E ki ana te Komiti:—

1. Me tuku te Pire kia paahi me nga menemana.
2. Kia whakaurua he rarangi hou hei tuku tikanga arai i—Horowhenua Nama 6 Poraka, e 4,620 nei eka te nui, i roto i te Takiwa Ruuri o Waiopehu, ara te whenua katoa i roto i te Tiwhikete Whakawhiti Whenua, i roto i te Pukapuka 48, Wharangi 245, o te Pukapuka Rehita o te Takiwa o Poneke; Horowhenua Nama 11A me Nama 11B Poraka, 14,975 nga eka, i roto i nga Takiwa Ruuri o Moutere, Mount Robinson, Waitohu, me Waiopehu, ara te whenua katoa i roto i te Tiwhikete Whakawhiti Whenua, i roto i te Pukapuka 48, Wharangi 249, o te Pukapuka Rehita o te Takiwa o Poneke, kia kaua e hokoa tae noa ki te mutunga o te tuunga o te Paremete e haere ake nei. Ko tetahi wahi o nga moni i roto i te ringa o te Kawanatanga, ara te moni o te hoko o etahi atu wahi o Horowhenua Poraka, me pupuri tae noa ki te mutunga o te tuunga o te Paremete e haere ake nei, a kaua e utua kia tino mohio ra ano te Kawanatanga kei te nui nga whenua o Warena Hunia i waho atu e ahei ana mo te mahi, mehemea hoki ka he ia i runga i te whakataunga, hei whakaea (taua moni e puritia) i nga kereeme a te iwi.
3. Kia tere te whakatu i tetahi Roera Komihana i muri tonu i tenei tuunga o te Paremete hei uiuia hei kimi hoki ko wai ma nga Maori e whai paanga ana ki te whenua e tautohetia nei i roto i Horowhenua Poraka.

16 Oketopa, 1894.