[Translation. ]
No. 304.—Pitihana a Wiremu Kauika raua ko Wahiawa.

E inoi ana nga kai-pitihana kia whakaputaina atu he moni mo runga mo te mate o nga tangata no ratou a Kaitangiwhenua Poraka i runga i te rironga o ta ratou moni o te hoko o taua whenua e £5,411 0s. 7d. nei te nui o taua moni, e kiia nei hoki e raua i tahaetia taua moni a ratou e Wiremu Wiremu ua raua nei ko te Komihana Hoko Whenua i whakaoti te hoko o taua poraka.

Kua whakahaua ahau kia ki penei: E ki ana nga kai-pitihana ko nga moni ma ratou o te hoko o Kaitangiwhenua Poraka i riro i a Wiremu a tangohia tonutia atu e ia. E ki ana raua i runga i te mea i utua atu aua moni e te Kawanatanga ki a ratou i roto i te haki (cheque) kotahi a kahore i utua notitia atu, haki ririki ranei, ahei ana te riro o te haki i a Wiremu na reira ka mate ratou ka tahaetia a ratou moni. E ki ana ano hoki raua i runga i te mea kihai i tae atu he whakaatu ki a ratou kua mutu te tu apiha Kawanatanga o Wiremu whakapono ana ratou ki a ia. Kei te marama kotahi te haki i utua ai nga moni i runga ano i te whakaae a nga Maori whai paanga ki aua moni, a i hoatu taua haki e te rangatira kaumatua, e Uru Te Angina, ki a Wiremu. E ki ana nga kai-pitihana e tata ana ki te £700 a ratou moni kua pau mo nga mahi i whakahaerea e ratou e hoki mai ai a ratou moni. Ki te tino tikanga kahore he kereeme a nga Maori ki te koroni, engari he mate nui rawa kua pa ki a ratou a kua tangohia atu i a ratou a ratou moni e £5,411 0s. 7d., a kahore ano kia taea te whakaatu he nama a ratou ki a Wiremu, a kahore ano hoki a Wiremu i ata whakaatu he tika he nama a nga Maori ki a ia. He nui nga moni a nga kai-pitihana kua pau i te haerenga ki te aroaro o te Roera Komihana i nga haerenga mai hoki ki mua i nga Komiti maha o te Whare. He nui te mate kei runga kei nga kai-pitihana, a ko te tono a te Komiti page 13kia whiriwhiria paitia e te Kawanatanga tenei pitihana, a me pooti he moni kaua e tino nui hei whakaputanga atu ki a ratou. He kupu ano hoki tenei na te Komiti kahore he whakahe pehea ranei e ahei te whakaeke atu ki runga ki a Te Kira i tika tonu nei hoki tana whakahaerenga i tana mahi.