[Translation. ]
Nos. 55, 71, 110, and 365.—Pitihana a Reihana Moheketanga me etahi atu 47, Wiremu te Teeti me etahi atu 43, Rewiri Hongi me etahi atu 11, me Hone Peti me etahi atu 4.
E inoi ana nga kai-pitihana kia whakahokia atu ki a ratou etahi whenua i roto i te taha ki te Raki o te Takiwa Porowini o Akarana, ara nga whenua e kiia nei he "whenua toenga," kia puta atu ranei ki a ratou he moni utu mo aua whenua.
Kua whakahaua ahau kia ki penei: Ko te kupu a te Komiti, i runga i te mea kua roa te wa e haere ana enei raruraru, a hei mea hoki e oti ai aua raruraru, e tatu ai hoki nga ngakau o nga Maori mo nga wa katoa, me whakatu he Roera Komihana hei uiui i nga tikanga o nga pitihana i runga ake nei.