[Translation. ]
No. 101.—Pitihana a Ropiha Taurua Rangihaukori me etahi atu.

E inoi ana nga kai-pitihana kia whakaritea te kupu whakaae i whakapuakina i te tau 1867 kia wehea he whenua rahui mo ratou i waenganui i te Awa o Patea me te Awa o Whenuakura.

Kua whakahaua ahau kia ki penei: (1.) Ko te kupu whakaae a Te Retimana ki a Taurua i te tau 1867 mo te whenua i waenganui i Whenuakura me Patea i whakaputaina i runga i te tikanga me piri pono tonu a Taurua ratou ko tona iwi ki te Kawanatanga. (2.) Kihai a Taurua ratou ko tono iwi i piri pono tonu ki te Kawanatanga, ina hoki i te aranga o te whawhai i timata mai nei te tau 1868 tae mai ki te tau 1869, uru ana ratou ki roto ki a Titokowaru. (3.) I muri i te whawhai, i te maunga o te rongo, i ata whakaarohia e te Kawanatanga nga take o Taurua. (4.) I ata tirotirohia e te Roiera Komihana e kiia nei ko te Komihana a Te Pokiha te keehi a Taurua ratou ko tona iwi, a tukua ana he whenua mo ratou, a i whakaarohia i nui aua whenua hei oranga mo ratou.

Heoi ki te whakaaro o te Komiti kua rite noa atu tenei kereeme, a kahore he kupu a te Komiti mo tenei pitihana.