[Translation.]
No. 444.—Pukapuka inoi a Piripi te Maari me etahi atu e 24.

E inoi ana nga kai-pitihaua kia tukua tetahi tikanga ki a ratou mo to ratou mate i runga i te roto o Wairarapa.

Kua whakahaua ahau kia ki penei:—

I hanga ano tetahi ripoata e tetahi Roira Komihana i te tau 1890 mo runga i nga take katoa o tenei pitihana, tirohia te Pukapuka II. e te Paremete II., 1891, G.–4.

E tino marama ana kua tau tetahi mate ki runga i nga Maori a heoi nei te take mehemea ma nga ropu takiwa e whakarite i aua mate ma te Kawanatanga ranei. E whakaaro ana tenei Komiti ma te Kawanatanga e whakarite notemea na te Kawanatanga i hoko aua whenua ki nga Pakeha me te whakatakoto i tetahi tikanga i roto i te Ture mo nga Mahi mo te Katoa i ahei ai te ropu Takiwa te keri i te waikeri timata mai i te roto tae atu ki te moana a na konei i tau ai tetahi mate ki runga i nga take katoa a nga Maori. E tono ana te Komiti kia tere tonu te whakahaere i tetahi tikanga i runga ranei i te hoko i nga take a nga Maori i runga ranei i te whakarite i tetahi tikanga ki a ratou mo te mate i tau ki a ratou.