Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Reports of the Native Affairs Committee, 1893.

[Translation.] — No. 528.—Pukapuka inoi a Hoani Meihana

[Translation.]
No. 528.—Pukapuka inoi a Hoani Meihana.

E ki ana te kai-pitihana ko nga moni katoa i riro mai e tika ana ranei kia riro mai i te Kawanatanga mo te 7,625 eka i tangohia i waho o nga eka i mea ai nga Maori ki te hoko a i whakaurua ki roto i te hoko mo te Pahiatua Poraka me tuku mai ki nga tangata Maori whai take ki aua moni. Ko tenei pitihana he pitihana i rite tonu ki te pitihana i whakahaerea i tau 1891 me te tau 1892. I te tau 1891 i penei te ripoata a te Komiti (ara) notemea kua riro mai i te Kawanatanga tetahi whenua nui atu i te 125,000 eka e whakahuatia ana i roto i te Tiiti tuku mo te hoko o etahi Poraka whenua e mohiotia ana ko te pito Ngaherehere o te Ngaherehere e whitu tekau maere te roa o Wairarapa a i whakaaetia e nga kai-pitihana e whakaaro ana tenei Komiti me tuku tenei pitihana ki te Kawanatanga me te tono kia utua nga kai-pitihana ki nga utu kia tekau hereni mo te eka mo te 7,625 eka e kiia nei e nga kai-pitihana i neke ake i nga eka i whakaaetia i te tua tahi: I penei te ripoata o te tau 1892 (ara) e whakaaro ana tenei Komiti me whakamana te tono o te Paremete kua hori nei a e tono ana tenei Komiti ki a tukuna tenei pitihana ki te Kawanatanga kia whakamana e ratou.

Na e hiahia ana te Komiti ki te ripoata kua whakahaerea ano taua take inaianei a e whakaaro ana ratou me tuku tetahi whakaritenga ki nga kai-pitihana, a e hiahia ana hoki ratou ki te ki e pouri ana ratou no te mea kihai i whakamana te ripoata tuatahi.

27 o Hepetema, 1893.