Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Reports of the Native Affairs Committee, 1893.

[Translation.] — No. 118.—Pukapuka inoi a Te Hira Pateoro me etahi atu

[Translation.]
No. 118.—Pukapuka inoi a Te Hira Pateoro me etahi atu.

E inoi ana nga kai-pitihana kia hanga he ture kia ahei ai ratou te tono whakawa mo nga kairiwhi kia Apihai te Kawau.

Kua whakahaua ahau kia ki penei: Kua korerotia kua ata whiriwhiria hoki nga pukapuka e pa ana ki te Orakei Poraka a penei ana ta ratou whakataunga.
(1.) E ki ana nga kai-pitihana ko ratou nga kairiwhi tika kia Apihai te Kawau.
(2.) E mohiotia ana i mate a Apihai te Kawau i te tau 1869 a waiho iho e ia he wira whakatu i a Paora Tuhaere hei kairiwhi mona I mea ano hoki a Paora e whai take ana ia ki taua whenua.
(3.) I tukuna he Karauna karaati i te tau 1873 kia Apihai te Kawau me etahi atu tekau-ma-rua a ko Paora Tuhaere ano tetahi o taua tekau-ma-rua a i tukuna taua whenua timata mai i te 10 o nga ra o Pepuere 1869.
(4.) I te tau 1882 ka paahitia tetahi Ture Motuhake a i ki taua Ture ko Paore Tuhaere te kaitiaki mo te whenua.
(5.) I te 2 o nga ra o Maehe 1883 ka kiia a Paora Tuhaere e te Kooti Whenua Maori ko te riwhi kia Apihai te Kawau, a i te mea e noho ana taua Kooti i reira ano a Te Hira te tama a Apihai te Kawau a i whakaae ia ko Paora Tuhaere hei riwhi, a ko nga kai-pitihana he tamariki na te tamahine a Apihai te Kawau.
(6.) I mate a Paora Tuhaere i te 12 o nga ra o Maehe, 1892.
(7.) Kihai nga kai-pitihana i whakahe i te wa e ora ana a Paora ki te ota whakatu i aia hei kairiwhi i runga i te pitihana mai i runga ranei i tetahi atu huarahi ra roto i te Kooti. He tika ano ia ta ratou tukunga pukapuka mai ki te Tari Maori i mua tata o te matenga o Paora. Erangi kihai i tae mai taua pukapuka ki te aroaro o te Komiti a kua kotahi tau i muri iho o te whakaputanga o te ota kia Paora hei kairiwhi.
(8.) I te tau 1892 ka paahitia "Te Orakei Further Investigation Act, 1892": me te tuku i a rere Arama kia tuku tono mo te whakawa mo te ota riwhi haunga ia te ota e tautohetia ana e nga kaipitihana.
(9.) I tukuna he tono ki te Tumuaki o te Kooti Whenua Maori i te 23, o Hepetema kua pahure nei e Rere Arama a whakatarewatia ana taua tono kia uiuia ai nga tikanga a kihai tetahi tikanga i whakahaerengia i muri iho mo runga i taua tono.
(10.) Akuanei i raro i aua tikanga kahore e kaha te Komiti ki te tono kia whakatuwheratia ano taua keehi kua kotahi tekau nei nga tau e takoto ana a i runga hoki i te mea kua mate a Paora Tuhaere a e kore e ahei e ia inaianei te whakapuaki i nga korero e tau tika ai te taha ki aia.
23 o Akuhata, 1893.