Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Reports of the Native Affairs Committee, 1891, No. 2.

[Translation.] — No. 598, 1890, Sess. II.—Pukapuka-inoi a Toha Rahurahu me etahi atu

[Translation.]
No. 598, 1890, Sess. II.—Pukapuka-inoi a Toha Rahurahu me etahi atu.

E Ki ana nga kai-pitihana kua rongo ratou kua tono a Tonore raua ko Airini Tonore kia ruritia te Kaiwaka Poraka a e inoi ana ratou kia kaua taua tono e whakaaetia.

Kua whakahaua ahau kia ki penei: Ko te Poraka e whakahuatia nei i roto i tenei pitihana ko tetahi o era i uru ki "te Ture o Mohaka me Waikare, 1870." I tae mai ano tenei keehi ki te aroaro o te Komiti i mua ake nei a i tukuna ano ta ratou ripoata. Ahuanei na taua ripoata i whakahau te Kawanatanga kia Kahititia taua Poraka me etahi atu Poraka e te Kawana i roto i tona Kaunihera kia ahei ai te whakamana i te Kooti Whenua Maori ki te kimi me te whakauru i nga tangata whai take i mahue ki waho o aua poraka. No muri iho ka kitea kihai taua ota a te Kaunihera i kaha ki te tuku i te mana i hiahiatia ki te Kooti Whenua Maori. No reira kei te takoto pera tonu aua Poraka me to ratou ahua o mua, a ma te hanga ture anake te taea ai te whakarereke Erangi e inoi ana nga kai-pitihana inaianei kia kaua e whahaaetia te ruri i tonoa nei kei riro ma taua ruritanga e whakatau i te take ki aua Poraka a oti tonu atu. Me te arai i te oraki te hunga tokomaha e whai take ana ki aua whenua. No reira e whakaaro ana tenei Komiti me tuku tenei pitihana ki te Kawanatanga kia whiriwhiria e ratou.

22 o Hepetema, 1891.