[Translation.]
No. 599, 1891, Sess. II.—Pukapuka-inoi a Eruera Rangitakaiwaho me etahi atu.
E Inoi ana nga kai-pitihana kia whakaaetia he whakawa tuarua mo te Ngawakaakupe Poraka.
Kua whakahaua ahau kia ki penei: Kua marama ki tenei Komiti kua whakahaerea katoatia nga huarahi o te ture e te kai-pitihana mo runga i nga whakawa tuarua. Otia mehemea e tika ana nga korero e korerotia nei i tukuna te whakataunga a te Kooti i ia whakawakanga i runga i te huarahi ekore e taea te whakamana, a i takahia nga korero tautoko a te kai-pitihana i tana take, penei e marama ana kua tau tetahi mate ki te kai-pitihana a he roea tika kia uiuia. Otira i te mea ko tetahi taha anake kei te aroaro o te Komiti e korero ana e kore te Komiti e tuku i tetahi whakataunga pehea ranei ki waho atu o tenei ara me tuku tenei pitihana ki te Kawanatanga kia uiuia nga take e korerotia nei e te kai-pitihana.