Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Reports of the Native Affairs Committee, 1891, No. 2.

[Translation.] — No. 288, 1891, Sess. II.—Pukapuka-inoi a Wi Pere (No. 2)

[Translation.]
No. 288, 1891, Sess. II.—Pukapuka-inoi a Wi Pere (No. 2).

E Ki ana te kai-pitihana i puritia he tia etahi moni inatareti i runga i te paahitanga o "Te Ture Whenua o Wi Pere, 1889," a i whakataua e etahi kaiapitireita kia utua ki aia i runga i tetahi piihi whenua ko te Kohe te ingoa a e inoi ana ia ki tetahi ora.

Kua whakahaua ahau kia ki penei: He maha nga tau i muri iho i te tangohanga a te Kawanatanga i tetahi piihi whenua e mohiotea ana ko te Kohe te ingoa, he whenua no Wi Pere a hokona ana e ratou, a i runga i nga korero o te kai-pitihana whakaae ana te Kawanatanga ki te utu i te kai-pitihana mo taua whenua a ko nga utu ma etahi kaiapitireita e whakatau. Heoi kitea ana e aua kaiapitereita e tika ana kia utua nga moni pena te maha kia Wi Pere mo runga i taua rahui me nga inatareti mo runga i aua moni a whakataua ana kia riro tetahi Poraka whenua i te Takiwa Ruri o te Motu 1,752 nga eka me etahi moni ano hoki e tika ana kia riro i aia hei whakaaea mo te kohe. A hei whakamana i taua whakataunga paahitia ana tetahi ture ko tona ingoa nei ko "Te Ture Whenua o Wi Pere, 1889," erangi kihai i utua e te Kawanatanga nga moni inatarete i whakataua kia utua. A i mea taua "Te Ture Whenua o Wi Pere, 1889," me tango e Wi Pere te whenua me nga moni hei tino whakaea i taua tono. Otiia kihai a Wi Pere i uru ki te hanganga o tana Ture a kihai ano hoki ia i whakaae ki taua ture erangi kua oti e ia te whakahaere tetahi tikanga mo te whenua i whakataua ki aia i runga i tana Ture i mua hoki o tona kitenga i taua Ture, heoi tango ana ia i te whenua kei tau tetahi mate ki aia, erangi i whakahe ia ki te puritanga o etahi o nga moni i whakataua mana. Akuanei i runga i te whiriwhiringa a te Komiti i enei take katoa e whakaaro ana ratou mehemea e kawea ana nga whakaaro o te Kawanatanga i runga i te pono me te mahi tika he mea tika kia whakaeangia a ratou whakaaetanga ki te kai-pitihana kia riro i aia nga moni inatareti i whakataua mana.

21 o Hepetema, 1891.