[Translation.]
No. 486, 1889.—Pukapuka-inoi a Kipa Te Whatanui.

E inoi ana te kai-pitihana kia whakawakia ano Te Karoro, No. 2 F Poraka, kia tau tika ai ana take ki te wahi e kiia nei ko te Waka te ingoa.

Kua whakahaua ahau kia ki penei: Kahore i ruarua te whakaaro i tau ano tetahi mate ki runga i te kai-pitihana i runga i nga mahi a te Kooti Whenua Maori. Na ko nga take tenei. No te tahi o nga ra o Aperira, 1874, ka whakawakia te Ngakaroro Poraka No. 2 e te Kooti Whenua Maori a i whakaaetia ano te tika o te take a te kai-pitihana ki te Waka. A i runga i tana i rongo ai heoi te mahi mana he whakahau kia ruritia taua wahi a ka mau mai ano i tana keehi ki te aroaro o te Kooti kei reira ka whakatuturutia tana take ki aia. No te 2 o nga o Aperira, 1874, ka tukuna te rarangi ingoa o nga tangata whai take ki te Poraka kia tuhituhia ki roto i nga pukapuka o te Kooti, heoi mahue ake te ingoa o Kipa te Whatanui i roto i taua rarangi ingoa. I muri iho he maha nga mauranga mai e te kai-pitihana i tana keehi ki te aroaro o te Kooti erangi kihai i whakahaerea e te Kooti no te mea kihai tona ingoa i uru ki te rarangi ingoa o nga tangata whai take. Kotahi nei ia te mea e whakaaetia ana te keehi a te kai-pitihana e nga pukapuka o nga tari a kei etahi i whakaaetia kia tukuna tetahi ora ki aia. Akuanei i runga i te whiriwhiringa i enei take katoa e te Komiti e whakaaro ana ratou me tuku tenei pitihana ki te Kawanatanga kia uiuia nga tikanga me te ata whiriwhiri hoki e ratou i enei take.