Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Reports of the Native Affairs Committee, 1889.

[Translation.] — No. 112, 1889. —Pukapuka-inoi a Tuangahuru Whanganui

[Translation.]
No. 112, 1889. —Pukapuka-inoi a Tuangahuru Whanganui.

E Ki ana te kai-pitihana no tana matua keke no Karepa Tehu kua mate nei tetahi Poraka Whenua ko Manawatu-Kukutauaki te ingoa a i whakataua hetia kia Riperata Pini e te Kooti Whenua Maori.

Kua whakahaua ahau kia ki penei I runga i nga korero a Ropata Ranapiri koia nei te kaiwhakahaere o te pitihana e kitea ana ko te kai-pitihana anake te tangata tika hei riiwhi mo Karepa Tehu kua mate nei ki te Manawatu-Kukutauki No. 4d Poraka i runga i te tono a Riperata Pini. E kitea ana hoki ko te kai-pitihana te huanga tata rawa kia Karepa Tehu. Na i whakataua e te Kooti ko Tiati Paki nei te Tiati o taua Kooti kia uru ngatahi te kai-pitihana me te kai tono hei riwhihi kia Karepa Tehu. Na i tino whakahe te kai-pitihana kia Riperata Pini kia uru ia hei riiwhi, a hei whakamana mo tana whakahe, ki atu ana ia me kaua tona ingoa e whakaurua hei riiwhi kia Karepa Tehu. I mahara hoki ia he mea pai kia kaua e whakaurua tona ingoa kia watea ai ia ki te tono whakawa tuarua, Heoi patu ake e Tiati Paki tona ingoa. I muri iho ka tonoa he whakawa tuarua otira kihai i whakaaetia no te mea i whakaae te kai-pitihana kia patua tona ingoa. E kitea ana hoki ko te kai-pitihana te tangata tika hei riiwhi mo Karepa Tehu no te mea ko ia te huanga tata rawa ki aia. Na e whakaaro ana tenei Komiti i he te mahi a Tiati Paki i runga i tana patunga i te ingoa o te kai-pitihana ahakoa tana tono kia patua tona ingoa. Ko temahi tika ia ma te Kooti he kimi i nga huanga tata me te whakatau ki aua huanga. I he ano hoki te Tiati Tumuaaki i runga i tona whakakahoretanga i te tono whakawa tuarua i runga i nga take kua whakina nei. Na i raro i enei tikanga kua tono te Komiti i te Kawanatanga kia hanga tetahi Ture hei whakahaere i taua keehi.

22 o Akuhata, 1889.