[Translation.]
No. 286, 1889. —Pukapuka-inoi a Erueru Pahau me etahi atu e 36.
E Inoi ana nga kai-pitihana kia whakahokia ki a ratou tetahi poraka whenua ko Manutahi te ingoa, no te mea i tukuna taua whenua e nga tangata kuare tokorima i te mea kahore nga kai-pitihana i mohio, na ko te Kawanatanga e mea ana na ratou taua whenua.
Kua whakahaua ahau kia ki penei: E penei ana nga tikanga o taua keehi, no te tau 1862 ka tukua e nga tangata Maori ruatekau-ma rima tetahi poraka whenua ki te Kawanatanga. I tae pea page 4ki te 600, eka hei turanga kura. E ki ana nga kai-pitihana tokotoru anake o ratou i haina i te pukapuku tuku, a i te noho tonu ratou i runga i taua whenua i runga i te huarahi i tukuna ai taua whenua a kua tukua tetahi atu whenua e tata ana ki tenei hei turanga kura, a kahore tetahi atu whenua i reira hei ngakinga ma ratou. I raro i enei tikanga kua tono te Komiti ki te Kawanatanga kia whiriwhiria e ratou taua take me te whakatau i runga ano i nga tikanga o taua keehi.