[Translation.]
No. 134.—Pukapuka.—inoi a W. H. Taipari.

E ki ana to kai-pitihana i whakawakia tetahi piihi whenua e karangatia ana ko Kauaeranga e Tiati Penetana ki te aroaro o te Kooti Whenua Maori i te tau 1869 ko te rahi o taua whenua e 20 eka he wahi no te taone o Hoterini, a i whakatauta kia whakaputaina he Karauna karaati ki te kai-pitihana me etahi atu tokorua. A i muri iho ka whakawakia tuaruatia a whakataua ana he tangata ke, na e inoi ana ia kia kaua e whakamana taua whakawakanga tuarua.

Kua whakahaua ahau kia ki penei: He mea uaua rawa ki te Komiti te whakatau i tetahi tikanga e tino mana ai nga keehi penei ara i te mea kua tae tenei keehi ki tona ahua o naianei. A e meatia ana kia tonoa te Kawanatanga kia whakaturia tetahi Kooti whai mana motuhake hei whakawa i nga tono whakahe i nga whakataunga a te Kooti Whenua Maori. A inaianei me tuku tenei pitihana ki te Kawanatanga i runga i te mea tera ratou e whiriwhiria i nga whakahau a te Komiti.