Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Reports of the Native Affairs Committee, 1887, No. 2.

[Translation.] — No. 246, Sess. II.—Pukapuka-inoi a Wiremu Hetana me etahi atu e 46

[Translation.]
No. 246, Sess. II.—Pukapuka-inoi a Wiremu Hetana me etahi atu e 46.

E inoi ana nga kai-pitihana kia whakakorea kia whakarauititia ranei te Ture Ngawha i to mea hoki ko taua Ture kei te arai i te whakanoho tangata ki te takiwa o Rotorua.

Kua whakahaua ahau kia ki penei: I runga i te korero whakapuaki a Te Eriata, te Hekeritari Whenua Karauna, me te korero hoki a Aporo Tipitipi mo runga i tetahi pitihana penei me tenei e kitea ana ko te mea tika me whakarereke, me whakamama taua Ture Here Ngawha, i te mea kaore i te haere te mahi whakanohonoho tangata kei taua takiwa i raro i taua Ture, a kua kore e rere nga tangata ki taua takiwa i runga i taua Ture, me te waiho hoki o taua kore hei whakapouri i nga Maori no ratou aua whenua i runga i te iti i te kore ranei o nga moni reti kia puta kia ratou. Na reira ka tono tenei Komiti ki te Kawanatanga kia hurihuri kia whiriwhiria ko te mea pai pea me hoko nga paanga o nga tangata Maori whai hea (ki taua taone) me te whakangawari hoki i nga tikanga e ahei ai nga pakeha e hiahia ana ki te noho ki reira ki te hoko ranei i a ratou piihi e hiahiatia ana, me kaua he reti a me whakawhiwhi hoki me rapu te Kawanatanga i te huarahi pai marama e taea ai te whakamana te inoi a nga kai-pitihana na reira ka parea ma te Kawanatanga e ata hurihuri tenei pitihana.

9 o Tihema, 1887.