[Translation.]
No. 80.—Pukapuka-inoi a Rore Pukekohatu me etahi atu e 24.

E Inoi ana nga kai-pitihana mo tetahi piihi whenua i Motueka i tukuna kia te Pihopa o Whakatu hei painga mo te kura kia whakahokia kia ratou notemea kua maha nga tau e takoto kau ana a kahore i te mahia mo nga tikanga i tukuna atu ai.

Kua whakahaua ahau kia ki penei: I te 30 o nga ra o Oketopa, 1884, ka tukuna e te Komiti enei korero i runga ano i tetahi pitihana penei: E whakaaro ana te Komiti kihai i whakatuturutia te whakahaere o taua whenua, a me tahuri te Kawanatanga ki te whakahaere i tetahi tikanga ma roto ranei i te Kooti Hupirimi, me hanga ranei i tetahi Ture hei tuku i tana whenua i ranga i nga tikanga o tetahi rahui Maori noa nei i raro i te whakahaere a te Kaitiaki mo Te Tokomaha mo runga mo tera wahi o te karaati i whakaritea i roto i nga whenua o te Karauna. Ki te whakaaro o te Komiti me hoki tenei wahi ki te Karauna. I te 2 o nga ra o Hune, 1886, ka tae mai ano taua take ki te Aroaro o te Komiti. Otira kua kokirihia tetahi Pire e tetahi Kawanatanga hei whakahaere i taua take, na heoi nga kupu i puta i te Komiti ko te whakaatu i te ripoata i puta i te tau 1884. Erangi ko te Pire e whakahuatia nei kihai paahi hei Ture heoi kahore tetahi mea i mahia i muri iho hei whakatau i taua take. Erangi ka tohe ano te Komiti ki te Kawanatanga kia tahuri ratou ki te whakahaera i tetahi tikanga e tau ai he ora i runga i tenei mea e whakaarohia nei he mate nui. A ki te kore e taea te hanga i tetahi Ture i tenei Paremete, e whakaarohia ana me tono te Komihana e mahi mai nei i te Waipounamu kia tukuna tetahi ripoata mo runga i taua kehi.