[Translation.]
No. 45.—Pukapuka-inoi a Epiha Karoro (Nama 2).

E Inoi ana te kai-pitihana kia kaua e hokona e te Kawanatanga tetahi whenua kia pataia ra no nga take o ta ratou kehi.

Pitihana No. 5, Pukapuka-inoi a Epiha Karoro (Nama 1).

E Ki ana te kai-pitihana i tangohia e te Kawanatanga i to ratou iwi i mua tetahi wahi o tetahi Poraka whenua e takoto ana i Waitara e karangatia ana ko te Waiari Poraka, i muri iho ka tangohia ano tetahi wahi o te Poraka kia ahei ai ratou te whakatakoto i tetahi rori i runga i taua Takiwa, i mea te Kawanatanga kia hoatu tetahi moni mo te whenua i tangohia e ratou, Otira i mahara taua iwi he iti rawa heoi kihai i tangohia, e tono ana ratou inaianei, kia hoatu he utu tika mo taua whenua i tangohia ra.

E ahua rite tahi ano nga korero o enei pitihana.

E penei ana te whakatau a te Komiti. Ko te hokonga o te riihi o te Waiari Poraka e te kai Tiaki o te tokomaka i tika tonu i runga i te ture a kua rahuitia etahi wahi i whakaarohia e nui ana hei kainga hei nohoanga mo nga Maori. I puta ano tetahi kupu hoatu i nga moni e £500 mo te whenua i tangohia mo tetahi huarahi i waenganui o Waitara o Urenui, erangi kihai i pai nga Maori ki te tango i au moni. Inaianei kua pai ratou ki te tanga. Otira e ruarua ana te whakaaro mehemea kahore ranei i utua tetahi wahi o aua moni kua tukua ranei hei oranga mo nga kai tono. E tono ana te Komiti kia whakaarohia tenei mea e te Kawanatanga kia hohoro hoki ta ratou whakarite i nga toenga o enei moni. I tono a Ta Wiremu Pokiha kia utua nga moni e £4,000 hei whakarite mo te whenua i tangohia, hei kainga whakanoho hoia mo Tikorangi ko aua moni me whakaputu i runga i te hanga taiepa hei kainga mo nga Maori. Kua rongo hoki te Komiti kei te whakahaerea e te Kawanatanga te tono a Ta Wiremu Pokiha.