[Translation.]
No. 437, Sess. II.—Pukapuka-inoi a J. S. Kauara.

E Ki ana te kai-pitihana kei te pupuri ia i tetahi kirimene mo te riihi whenua i nga Maori e takoto ana i waenganui o te awa o Waiau me Taungatara i te Takiwa o Opunake, no runga i etahi raruraru i Hawera i mea te Minita Maori ki aia kia kaua ia e pa ki taua riihi kia tau rano te rangimarie ki reira, i whakaae ia ki nga korero a te Minita Maori, a e inoi ana ia inaianei kia whakamana taua riihi.

Kua whakaua ahau kia ki penei:—

Kua tonoa te Kawanatanga kia whakaputaina tetahi tikanga e ahei ai te Kai-Tiaki o nga Whenua Rahui ki te whakaae i te riihi kia J. S. Kauara mo nga eka e 600 kia rite ano nga utu o te reti ki nga utu o nga whenua Maori o taua takiwa, ko taua whenua kei tetahi wahi o te Poraka o Opunake, i te taha ki te Tonga ki te wahi ano e mau nei te kerimene riihi a nga Maori kia Kauara, ko tetahi i te mea kahore ano i hanga te riihi me tupato ki te ata patai ki nga Maori no ratou te whenua i o ratou hiahia, ekore hoki e tika kia tukua te riihi kia J. S. Kauara ki te kore nga tangata no ratou te whenua e whakaae.