[Translation.]
No. 177, Sess. II.—Pukapuka-inoi a Wirihana me Periri me etahi atu (No. 1).

E Ki ana nga kai-pitihana he kai riihi ratou no etahi whenua i te Tai Hauauru Takiwa rau patu. I whakamana aua riihi e te Kawana i raro o "Te Ture Whakatau Rahui o te Tai Hauauru, 1881," me te Ture Whakatikatika, 1883, i raro ano i nga tikanga e mau ana i roto i te riihi.

E Inoi ana hoki ratou kia utua ta ratou whakapainga i te whenua a kia whakaurua hoki ki roto i ta ratou riihi nga tikanga pera me era i whakaritea e te kai tiaki o te tokomaha.

Kua whakahaua ahau kia ki penei:—

Ko te take whakahou i nga riihi i whakahuatia i roto i tenei pitihana e ahua uaua ana otira e whakaaro ana te Komiti e ahei ano te whakarite hei painga mo nga kai riihi mo nga Maori hoki i runga i te whakakore o nga riihi e mau nei i hanga i mua o te tau 1879 me hoatu hei tapiri mo era, he riihi hou i raro o te Ture Whakatau Rahui o te Tai Hauauru; ko nga utu o te reti me whakarite ano i runga i tona ahua ano o te whenua e takoto nei ma tenei e riro ai i nga Maori nga utu tika mo te whenua i ia tau, i ia tau a ka waiho raruraru kore nga kai riihi ki te whakapai i te whenua.

I roto i nga whakahoutanga katoa e whakahaere ana i raro i tenei tikanga me tino tupato nga Komihana o te Tai Hauauru ki te titiro i nga tikanga o te rarangi tuawaru o "Te Ture Whakatau Rahui o te Tai Hauauru, 1881," i runga i te whakahaere tahi me nga Maori whai take.