[Translation.]
No. 214, Sess. II.—Pukapuka-inoi a Te Haere.

E Ki ana te kai-pitihana i te 20 o nga ra o Maehe, 1883, e haere atu ana ia me Hutahuta me etahi atu ki Te Uira na ka haere mai nga tangata a Te Mahuki ka hopu ia ratou ka maka ki roto ki te whare herehere a he maha nga whiu i whiu ai ratou, i meatia kia whakamatea ratou, a e whakaaro page 9ana ia mei kore tetahi iwi e tae mai ki te whakarauora i a ratou, kua patua ratou, e mea ana ia he maha nga mea i tahaetia iaia, e tono ana ia kia whakaarohia tona mate kia whakaputaina tetahi ora mona.

Kua whakahaua ahau kia ki penei:—

Kua mea te Komiti e tino tika ana nga korero o roto i te pitihana, i tino nui rawa hoki te mahi a te kai-pitihana ki te whakarauora i ona hoa ia Hutahuta me tetahi atu, i te mahi Kawanatanga hoki ratou i taua wa, a pa ana te mate kia ratou i runga i taua mahi. E mahara ana te Komiti Kahore o tika kia whakakorea he utu mo tenei mahi aroha heoi kua tono te Komiti ki te Kawanatanga kia hoatu tetahi utu tika, a ko ta ratou i mea ai ko nga utu e utua ana kia hohoro te whakaputa.