[Translation.]
No. 253, o te tau, 1883.—Pukapuka-inoi a Retireti Tapihana.

E Mea ana te kai-pitihana i whakawakia etahi poraka whenua i Maketu e Tiati Hira i te tau 1878 I puta tetahi pakanga nui i waenganui i nga iwi e rua i mau pu na ka haere mai a te Hiana ki reira ka mea me tuku te kooti kia mahi ana i ana mahi, i ki hoki ia mana e whakarite i te taha kia ratou —i mea ratou i perano nga kupu a te Makarini erangi kihai i whakaritea eia tana whakaaetanga ko tenei kua tatari ratou i roto i nga tau e rima kia whakaritea nga kupu a te Hiana. Kua pahure nga tau e rima inaianei kahore ano i whakaritea nga kupu a te Hiana e inoi ana ratou inaianei kia utua nga mea i whakaaetia ma ratou kia whakawakia tuaruatia ranei.

Kua whakahaua ahau kia ki penei:—

Na mo runga i tenei pitihana e penei ana nga korero a te Hiana no te tau 1878 i rongo ano tenei Rangatira ki nga raruraru mo runga i nga whenua e korerotia nei, i hohoro tana haere atu ki tera takiwa ka kite i te iwi e mau pu ana, na i runga i ta ratou whakahere i ana korero i mahara ratou he whakarite tana i nga korero a Ta Tanara Makarini i whakaae ia me whakarite ta ratou hea ki te moni ki te mea ka houhia e nga kai-pitihana te rongo, a taea noatia te wa i mahue ai iaia tana Tari kihai rawa i puta ana whakaaro me pewhea ranei te nui o nga utu e tika ana kia utua.

Na mo runga i te tikanga a Ta Tanara Makarini i ahua pohehe a te Hiana mei te ahua o te pukapuka i whakatakotoria ki te aroaro o te Komiti he mea tuhituhi na Ta Tanara Makarini ki ona ringa ake ano, a i panuitia hoki ki roto i te Waka Maori. He mea pono ano hoki ko nga kereme i whakahuatia eia kei waho ke o nga whenua i whakaingoatia nei i roto i te pitihana, kahore hoki te pukapuka e whakahua i nga utu kia utua e te Kawanatanga.

Ko te tikanga i whai tikangaai a te Hiana ki te whakaae i nga korero e ki nei ia i korerotia e ia, kahore e taea e te Komiti te korero, kahore hoki e taea e te Komiti te whakaaro te nui o nga moni e tika ana kia utua.

Ko te tikanga i whakaaro ai te Komiti mo runga i nga utu (ara) mehemea e tika ana kia utua, koia tenei me tuku ki te Kawanatanga kia whakaarohia kia hohoro ai te whakarite i runga i nga tikanga e tika ana kia utua.