[Translation.]
No. 222, Sess. II.—Pukapuka-inoi a Retireti Tapihana.

E Ki ana te kai pitihana i te tau 1864 i hinga a Tohi te Ururangi he rangatira no te Arawa i runga i tetahi whawhai. A ko te Kawana i runga i tana whakaaro mo te mahi a Tohi Ururangi ka hoatu he penihana e £20 i te tau kia Ngatai tamahine a Ururangi a i te tau 1881 ka tae te pukapuka a te Kawana kia Ngatai ki te ki atu e whakahokia iho ana e te Kawanatanga tana penihana ki te £10 heoi te penihana mana i te tau £10 no runga i tenei ka whakaaro a Ngatai Tapihana kua mate ia e tono ana kia whakaarohia kia whakaputaina tetahi ora mona.

page 7

Kua whakahaua ahau kia ki penei:—

Ko te penihana i hoatu i mua i te tau 1864 mo runga i te matenga o te matua o te wahine a te kai pitihana e £26 i te tau no runga i tetahi take kahore nei i tuhia ka whakahokia iho nga moni i te tau 1866 ki te £20 ko tetahi hawhe i utua i raro i te Ture Penihana 1866 ko tetahi hawhe na te Tari Maori i utu, ka penei te utu taea noatia te tau 1880 no reira ka wkakamutua tetahi hawhe i runga i te pohehe o te tikanga o te penihana.

Ko te Komiti e whakaaro ana me whakahoki te penihana ki te £20 i te tau pera me te utunga i te tau 1866 tae atu ki te tau 1880 ko nga moni i puritia i muri iho i te tau 1880 me utu atu ano i runga i tenei tikanga ki te wahine a te kai pitihana ko tetahi hoki me whakaaro e te Kawanatanga mehemea i raro i nga tikanga o tenei kehi e kore ranei e tika kia hoatu te penihana tawhito ara te 26 pauna i te tau i whakaritea i te tuatahi kia utua ki te wahine a te kai pitihana.