[Translation.]
No. 437.—Pukapuka-inoi a Henare Tomoana.
E ki ana te kai-pitihana ko etahi poraka whenua e karangatia ana ko Pakowhai, he whenua tuku iho na o ratou tupuna tae iho ki aia me etahi atu, i karatitia kia Karaitiana Takamoana i runga i te hiahia i te whakaaro pohehe o nga tangata no ratou te whenua, ma reira ka mau tonu ta ratou take i roto i te karati. Kihai a Karaitiana i whakahaere i te whenua i runga i te tikanga tiaki, erangi i whakahaere ano nona ake, a kua tau ki tana uri. No runga i tenei haurahi kua mate te kai pitihana me etahi atu. E tono ana ia kia whakakorea atu tenei karati, kia hanga he mea hou hei tiaki i nga take a nga tangata no ratou te whenua.
Kua whakahaua ahau kia ki penei:—
E ara ana tetahi tikanga nui i roto i tenei pitihana, ara he pehea ia te nui o te paanga o nga tangata o roto o te karati mo nga ritenga kihai i whakahuatia ki roto i te karati. Ko te whakaaro tenei me tuku tenei take kia whakaarohia e te Kawanatanga.